མདུན་ངོས། » Articles

Articles

བག་མ་བསུ་མཁན་གྱི་གཡང་བཤད།


བག་མ་བསུ་མཁན་གྱི་གཡང་བཤད། དྲ་བདག་རང་གིས་བསྒྲིགས། འོ་ལགས་སོ། །དེ་རིང་གནམ་ལ་སྐར་མ་བཟང་།  དེ་རིང་ས་ལ་དུས་ཚོད་བཟང་། དེ་རིང་བར་ན་བཀྲ་ཤིས་བཟང་། དེ་རིང་བཟང་གསུམ་རྟེན་འབྲེལ་འགྲིག །ངའི་དྲི་མེད་རས་དཀར་གཡང་ཁུག་འདི། །འཛམ་གླིང་གཡང་གི་བང་མཛོད་ཡིན། །ཁ་དོག་དཀར་པོར་འདུག་པ་འདི། གཙང་རིགས་ཀྱི་ཁ་འཛིན་ཡོད་པའི་རྟགས། རིན་ཆེན་རིས་ཀྱིས་སྤྲས་པ་འདི། །འདོད་རྒུ་ཡིད་བཞིན་འབྱུང་བའི་བརྡ། །ཉི་ཟླ་གཉིས་ཀྱིས་བརྒྱན་པ་ནི། །སྙན་གྲགས་འཛམ་གླིང་ཁྱབ་པའི་བརྡ། །ཕྱི་རིམ་ལྕགས་རིས་བསྐོར་བ་ནི། །མི་མཐུན་གཡུལ་ལས་རྒྱལ་བའི་དོན། །ནང་ན་འདུག་པའི་གཡང་ཆ་འདི། །ཨ་ཡག་ནས་ཀྱི་ཕ་དང་གཅིག དར་ཡག་ནས་ཀྱི་མ་དང་གཉིས། …

རྗེ་བཙུན་མིད་ལ་རས་པའི་གདེངས་ཚད་དྲུག་གི་མགུར། །


  རྗེ་བཙུན་མིད་ལ་རས་པའི་གདེངས་ཚད་དྲུག་གི་མགུར། ། རྣལ་འབྱོར་བ་རུས་པའི་རྒྱན་ཅན་གྱིས་བསྒྲིགས།   འཁོར་བའི་ཆོས་ལ་ཡིད་འབྱུང་ནས། །དད་པ་དྲག་པོས་མཚམས་སྦྱར་ཏེ། །ཡུལ་གྱི་ཞེན་པ་སྤང་དཀའ་བས། །ཕ་ཡུལ་སྤངས་པས་ཞེ་སྡང་ཞི། །གཉེན་གྱི་གདུང་སེམས་བཟློག་དཀའ་བས། །ཉེ་དུ་སྤངས་པས་གདུང་སེམས་བྲལ། །ནོར་ལ་ཆོག་ཤེས་མ་མཆིས་པས། །རས་རྐྱང་གྱོན་པས་ཞེན་པ་བཟློག །འཇིག་རྟེན་གཡེང་བ་སྤང་དཀའ་བས། །དམན་ས་བཟུང་བས་ང་རྒྱལ་ཆག །བདག་འཛིན་གྱི་ཁེང་དྲེགས་སྤང་དཀའ་བས། །རི་དྭགས་བཞིན་དུ་རི་ཁྲོད་འགྲིམས། །ཁྱེད་དད་ལྡན་གྱི་ཚོགས་གསོག་དོན་ཡོད་བྱས། །འདི་ནི་སྙིང་རུས་ཀྱི་གདེངས་ཚད་ཡིན། །ཆོས་སྐུ་ནམ་མཁའ་ལྟ་བུ་སྟེ།…

ཇོ་བོ་དཱི་པཾ་ཀ་ར་ཛྙཱ་ན་ལ་བསྟོད་པ་བྱིན་རླབས་ཀྱི་རྒྱ་མཚོ་ རོལ་པའི་བཀོད་པ་ཞེས་བྱ་བ།


ཇོ་བོ་དཱི་པཾ་ཀ་ར་ཛྙཱ་ན་ལ་བསྟོད་པ་བྱིན་རླབས་ཀྱི་རྒྱ་མཚོ་ རོལ་པའི་བཀོད་པ་ཞེས་བྱ་བ། རོང་སྟོན་ཤཱཀྱ་རྒྱལ་མཚན། བླ་མ་དང་ལྷག་པའི་ལྷ་ལ་ཕྱག་འཚལ་ལོ། ། ཚད་མའི་སྐྱེས་བུ་དོན་གཉིས་དབང་འབྱོར་བ། ། འཕགས་པའི་ཡུལ་དུ་གྲུབ་པའི་ཡོན་ཏན་བརྙེས། ། མཁས་མཆོག་རྒྱ་མཚོའི་དབུས་སུ་མངོན་མཐོ་ཞིང་། ། ཡང་དག་རིགས་པས་ཕས་རྒོལ་ཟིལ་གྱིས་གནོན། ། སྒྲ་ཚད་བཟོ་དང་གསོ་བ་ནང་དོན་དང་། ། རྡོ་རྗེ་ཐེག་སོགས་སྡེ་སྣོད་ལ་མཁས་ཤིང་། ། རིམ་གཉིས་ཟབ་མོའི་རྟོགས་པ་ཕུལ་བྱུང་ལྡན། ། རྣམ་དག་སྤྱོད་པ་ལྷུར་ལེན་གདུལ་བྱ་རྣམས།…

རྗེ་བློ་བཟང་གྲགས་པའི་ངང་ཚུལ་ཅུང་ཟད་བརྗོད་པ་བཞུགས་སོ།།


  རྗེ་བློ་བཟང་གྲགས་པའི་ངང་ཚུལ་ཅུང་ཟད་བརྗོད་པ་བཞུགས་སོ།། སྟག་ཚང་ལོ་ཙཱ་བ་ཤེས་རབ་རིན་ཆེན། ༄༅། །  ན་མོ་གུ་རུ་མཉྫུ་གྷོ་ཥ་ཡ། བློ་ཆེན་རྒྱལ་བ་རྣམས་ཀྱི་སྤྱན་སྔ་རུ། །བཟང་པོའི་སྨོན་ལམ་རླབས་ཆེན་གྲུབ་པའི་མཐུས། །གྲགས་པའི་སྒྲ་ཆེན་ཐུབ་བསྟན་འགྲོ་བའི་དཔལ། །བློ་བཟང་གྲགས་པའི་དཔལ་ལ་མགོས་ཕྱག་འཚལ།།དཔག་ཡས་ཚོགས་གཉིས་ཀུན་གྱི་རྩེ་མོར་སོན། །བགྲང་ཡས་རྒྱལ་བ་ཀུན་གྱི་རིགས་ལུགས་འཛིན། །མཐའ་ཡས་འགྲོ་བ་ཀུན་གྱི་དགེ་བའི་བཤེས། །བསམ་ཡས་ཡོན་ཏན་ཀུན་གྱི་གཏེར་ལ་འདུད།།གངས་ཅན་ཤར་ཕྱོགས་ཙོང་ཁའི་སྐྱེད་ཚལ་དུ། །དལ་འབྱོར་ཡོངས་འདུའི་རྩ་བ་རབ་བརྟན་ཞིང༌། །ཡོན་ཏན་ཡལ་གས་ཕྱོགས་ཀྱི་མཐའ་འཇལ་བ། །སྙན་གྲགས་དྲི་བསུང་འཕྲོ་བ་ཁྱོད་ལ་འདུད། །དྲི་མེད་མཁྱེན་ཡངས་འཇིགས་བྲལ་གཞོན་བློ་སོགས། །གངས་ཅན་མཁས་པའི་མཁས་པ་ཀུན་བསྟེན་ནས། །སྤྱི་དང་ཁྱད་པར་གཞུང་ལུགས་མཐའ་དག་ལ། །རྨོངས་པའི་མུན་ཀུན་སངས་པ་ཁྱོད་ལ་འདུད།…

སྙིང་གཏམ་སྙིང་གི་ཐིག་ལེ་ཞེས་བྱ་བ་བཞུགས་སོ།།


སྙིང་གཏམ་སྙིང་གི་ཐིག་ལེ་ཞེས་བྱ་བ་བཞུགས་སོ།། མཁན་ཆེན་འཇིགས་མེད་ཕུན་ཚོགས་འབྱུང་གནས།།   རབ་འབྱམས་སྲས་བཅས་རྒྱལ་བའི་གསང་གསུམ་ཀུན།།གཅིག་བསྡུས་མཚན་དཔེའི་གཟུགས་སུ་སྨིན་པའི་སྐུ།།གཞོན་ནུ་སྨྲ་བའི་ཉི་མ་གང་དེ་ཡིས།།ཁྱོད་བློ་བྱང་ཆུབ་ལམ་དུ་སྒྱུར་བར་མཛོད།།མཐའ་ཀླས་འགྲོ་བའི་མོས་བློ་དང་འཚམ་པའི།།ཟབ་ཡངས་ཆོས་ཚུལ་དཔག་གིས་མི་ལང་ཡང་།།གནད་དུ་དྲིལ་ནས་ཉམས་སུ་ལེན་པའི་ཚུལ།།སྙིང་གཏམ་སྙིང་པོ་སྙིང་འདྲའི་གྲོགས་ལ་གདམས།།ཚེ་འདིར་ཞེན་ལ་ཆོས་པའི་སྐལ་བ་བྲལ།།འདོད་ལ་སྤྱད་ཅིང་སྤྱད་ཅིང་སྲེད་པ་འཕེལ་ཞིང་།།ཟིན་པའི་དུས་མེད་རྙེད་བདེ་གྲགས་བསྟོད་རྣམས།།རྨི་ལམ་ཉོ་ཚོང་འདྲ་བས་སྐྱུར་ལ་ཐོངས།།གང་ལ་བརྟེན་ན་ཡོན་ཏན་ཚོགས་འཕེལ་ཞིང་།།ཉེས་སྐྱོན་མཐའ་དག་རྒྱང་དུ་སྐྲོད་བྱེད་པའི།།མཚན་ཉིད་ལྡན་པའི་བཤེས་གཉེན་དམ་པ་དེ།མཉེས་པ་གསུམ་གྱིས་སྟེན་དང་བསམ་དོན་འགྲུབ།།ཇི་ལྟར་མཁའ་དབུས་སྐྱེད་མོས་ཚལ་འདོད་བཞིན།།མངོན་པར་མཐོ་དང་ངེས་ལེགས་ཕུན་ཚོགས་ཀུན།།ཚུལ་ཁྲིམས་བྲལ་ལ་འབྱུང་བའི་སྐབས་མེད་པས།།དྲན་ཤེས་བག་ཡོད་ལྡན་པས་རང་རྒྱུད་ཐུལ།།ཐོག་མེད་སྲིད་པར་མ་རིག་མུན་ཀློང་དུ།།བཤེས་བྲལ་སྨྱོན་པ་བཞིན་དུ་ད་བར་འཁྱམས།།ད་ནི་ཞི་བདེའི་ཁང་བཟང་འཚོལ་བའི་ཕྱིར།།གསུང་རབ་རྒྱ་མཚོ་མཉན་ལ་སྤྲོ་བར་རིགས།།ཐོས་པ་ཙམ་གྱིས་སྒྲོ་འདོགས་མི་ཆོད་ཅིང་།།སྟོན་དང་བསྟན་ལ་ཡིད་ཆེས་རྙེད་དཀའ་བས།།རྩོད་འཆད་རྩོམ་པའི་བྱ་བ་བརྒྱ་ཕྲག་གིས།།བསམ་བྱུང་ཤེས་རབ་ཐུགས་ཀྱི་བཅུད་དུ་སྟེན།།གཞུང་ལུགས་རབ་འབྱམས་སྨྲ་བའི་སྟོན་ཆེན་ཡང་།།རང་རྒྱུད་མ་བཏུལ་ནེ་ཙོའི་འདོན་པ་འདྲ།།འཆི་བ་བཙན་ཐབས་འོངས་ན་འགྱོད་པའི་རྒྱུ།།གདམས་དོན་སྙིང་ལ་སྟེན་ཅིག་སྙིང་གྲོགས་རྣམས།།མང་མང་རྒྱལ་བའི་ཆོས་ཚུལ་རང་འབྱམས་ཀུན།།རང་རྒྱུད་འདུལ་བ་ཁོ་ནའི་ཐབས་སུ་གདམས།།ཚིག་ལ་མ་འཆེལ་དོན་གྱི་ཟབ་གནད་མཆོག།སྙིང་གི་བཅུད་དུ་སྟིམས་ཞེས་སླར་ཡང་བསྐུལ།།རྙེད་དཀའི་རྟེན་འདི་ཨུ་དུམ་ཝྭ་ར་འདྲ།།ནོར་བུ་འབུམ་ལས་ལྷག་པའི་དོན་འབྲས་ལྡན།།ཕྱི་ནས་འདི་འདྲ་ཤིན་ཏུ་རྙེད་དཀའ་བས།།དོན་ཆེན་འདུན་མ་བསྒྲུབ་ལ་མ་གཡེལ་ཅིག།འཆི་བདག་དགྲ་ཆེན་ནམ་མཁའི་ཐོག་འདྲ་བ།།ནམ་ཙམ་ཐོན་པ་སུས་ཀྱང་དཔོག་མི་ནུས།།ལོ་དང་ཟླ་བར་སྡོད་པའི་ལོང་མེད་ཀྱིས།།ད་ལྟ་ད་ལྟར་དགེ་ཆོས་སྒྲུབ་རེ་རན།།ལུས་ཅན་ལས་ཀྱི་འབྲས་བུ་ཆུད་མི་ཟ།།རྣམ་སྨིན་ཐོག་ཏུ་བབས་ཚེ་བཅོས་སུ་མེད།།ད་ལྟ་སྐལ་ལྡན་རང་དབང་ཡོད་དུས་འདིར།།རང་གིས་རང་ཉིད་བསླུས་ན་སུ་ཡིས་སྐྱོབ།།བཟོད་དཀའ་འཁོར་བའི་སྡུག་བསྔལ་བྱེད་བྲག་རྣམས།།དྲན་པ་ཙམ་གྱིས་བ་སྤུ་གཡོ་ནུས་ན།།བགྲང་ཡས་དུཿཁས་ལུས་སེམས་གདུང་བའི་ཚེ།།ཇི་འདྲ་ཡིན་ཞེས་རང་ལ་གྲོས་མོལ་འཛོད།།འདི་འདྲའི་འཇིགས་ཆེན་ཤིན་ཏུ་ཐར་དཀའ་ལས།།འདྲེན་པའི་ནུས་ལྡན་གཞན་ནས་རྙེད་མི་སྲིད།།བསླུ་མེད་མཁྱེན་བརྩེ་ནུས་པའི་བདག་ཉིད་ཅན།།རིན་ཆེན་རྣམ་གསུམ་སྐྱབས་སུ་བརྟེན་པར་རིགས།།སྲིད་གསུམ་སྡུག་བསྔལ་རང་བདེ་འདོད་ལས་བྱུང་།།བདེ་དགེ་མཐའ་དག་གཞན་ཕན་སེམས་ལས་འཁྲུངས།།དེ་ཕྱིར་ལྷ་མིའི་སྟོན་པའི་རྗེས་བསྙེགས་ཏེ།།བླ་མེད་བྱང་ཆུབ་སེམས་མཆོག་བསྐྱེད་པར་རིགས།།རང་རྒྱུད་རིག་ཁམས་ཤེལ་དཀར་ཨཱ་དར་ཤ།གློ་བུར་སྒྲིབ་པའི་རྡུལ་གྱིས་ཆེར་གཡོགས་ན།།ཟབ་གསལ་ཏིང་འཛིན་གཟུགས་བརྙན་འཆར་དཀའ་བས།།སྟོབས་བཞིའི་རབ་དཀར་ངལ་བས་བསྐྱོད་པར་འོས།།སྣང་གྲགས་རིག་པ་ལྷ་སྔགས་ཆོས་ཉིད་ངང་།།ཡེ་ནས་ཡིན་པར་ཤེས་པའི་ལྟ་བ་དང་།།མ་བྲལ་སྒོམ་པའི་མདེའུ་ཁ་བསྒྱུར་བྱས་ནས།།ཚར་གཅོད་རྗེས་སུ་འཛིན་ལ་དབང་སྒྱུར་མཛོད།།སྲོག་རྩོལ་བྱེད་བཅིང་ལུས་ཀྱི་འཕྲུལ་འཁོར་གྱིས།།བདེ་གསལ་མི་རྟོག་གྲོགས་སུ་འགུགས་ནུས་ན།།འོད་གསལ་སྒྱུ་མའི་ལུས་ལ་དབང་འབྱོར་ཕྱིར།།རྫོགས་རིམ་ཐུགས་ཀྱི་ཐིག་ལེར་བསྟིམ་པར་རིགས།།སྙིགས་ལྔའི་མུན་པ་ལྷག་པར་བདོ་སྐབས་སུ།།ཐེག་བརྒྱད་རྒྱུ་སྐར་འོད་ཀྱིས་འཇོམས་དཀའ་བས།།ཡང་གསང་སྙིང་ཐིག་ཉི་མའི་ཟེར་ཕྲེང་འབུམ།།དད་གསུམ་རྟ་བདུན་ཁྱོགས་ཀྱིས་འདྲེན་པར་རིགས།།གང་ཤར་རིག་པ་མ་བཅོས་རྒྱ་ཡན་ལ།།རང་བབས་རང་བཞག་ངང་དུ་ལྟོས་ཤིག་དང་།།ཡེ་སྟོང་རྩ་བྲལ་རང་གསལ་ངོ་ཤེས་ན།ས་ལམ་ཅིག་ཆོད་འབྲས་བུའི་གཏན་སྲིད་ཟིན།།ཅོག་གཞག་ངང་ནས་བཞུགས་སྟངས་གཟིགས་སྟངས་ཀྱིས།།རང་སྣང་དབྱིངས་ཐིག་རིག་པར་ལོངས་སྤྱད་ན།།གཟུང་འཛིན་འཁོར་བའི་མུན་པ་དབྱིངས་སུ་ཡལ།།སྣང་བཞི་མཐར་འཁྱོལ་འཕོ་ཆེན་འོད་སྐུར་སྨིན།།དེ་སྐད་གྲོང་ཚིག་དུམ་ཆོད་སྙིང་གི་གཏམ།།བློ་གསལ་དགྱེས་པའི་སྙན་ཚིག་བདོག་མིན་ཡང་།།ཐོལ་བྱུང་ཀློང་རྡོལ་འདེམ་ག་སྤངས་པ་འདི།།སྔ་འགྱུར་རིག་འཛིན་བརྒྱུད་པའི་རང་གཤིས་ལགས།།དགེ་བ་འདི་ཡིས་མ་ལུས་འགྲོ་བ་རྣམས།།སྐུ་བཞིའི་རྒྱལ་ཐབས་མཆོག་ལ་དབང་འབྱོར་ཞིང་།།བདག་ཀྱང་འཇམ་དཔལ་གཞོན་ནུའི་སྙིང་སྟོབས་དང་།།སྐད་ཅིག་ཙམ་ཡང་འབྲལ་བར་མ་གྱུར་ཅིག། ཅེས་པ་འདི་ནི་རྒྱ་ནག་རི་བོ་རྩེ་ལྔའི་ཡང་དབེན་ལྷ་མཆོག་འཇམ་དཔལ་གཞོན་ནུས་རྒྱས་སྲས་ཁྲི་ཕྲག་གཅིག་ལ་ཟབ་རྒྱས་ཆོས་འཁོར་བསྐོར་བའི་རི་རྩེར་ངག་དབང་བློ་གྲོས་མཚུངས་མེད་པས་དུས་ཚོད་སྐར་མ་ཉེར་གསུམ་གྱི་ཡུན་ལ་ཤར་མར་སྤེལ་བ་དགེ། །། མེ་ཡོས་ཟླ་༥ཚེས་༣ལའོ།

ཕུན་ཚོགས་ཤེས་རིག་སྣ་བརྒྱའི་སྐྱེད་ཚལ་དུ། །


  ཕུན་ཚོགས་ཤེས་རིག་སྣ་བརྒྱའི་སྐྱེད་ཚལ་དུ། །   ཕུན་ཚོགས་ཤེས་རིག་སྣ་བརྒྱའི་སྐྱེད་ཚལ་དུ། ། གསར་བཞད་གངས་ཕྲུག་བུང་བ་གཞོན་ནུའི་ཚོགས། ། རིག་གནས་རྩི་བཅུད་མངར་མོར་མ་རོལ་ན། ། ར་ཡིག་གཉིས་པའི་ལུས་ཟུང་ཇི་ལྟར་འཚོ། །     ཨ་མྱེས་དབུ་ནག་མི་བུ་རིགས་དྲུག་ནས། ། ད་ལྟའི་བར་གྱི་ལེགས་ཚོགས་ནོར་བུའི་གཏེར། ། ཤེས་རིག་རྒྱ་མཚོའི་ཀློང་ནས་བྱུང་བས་ན། །…

རྒྱན་དྲུག་དང་མཆོག་གཉིས་ལ་བསྟོད་པ་རིན་ཆེན་སྤུངས་པ་ཞེས་བྱ་བ།


PDFའདིར་སྣོན། 

རོང་སྟོན་ཤཱཀྱ་རྒྱལ་མཚན་གྱི་གསུང་བོན་གྱི་མཁས་གྲུབ་གསུམ་ལ་བསྟོད་པ།


རོང་སྟོན་ཤཱཀྱ་རྒྱལ་མཚན་གྱི་གསུང་བོན་གྱི་མཁས་གྲུབ་གསུམ་ལ་བསྟོད་པ།  དམ་པ་རི་ཁྲོད་པ་ལ་བསྟོད་པ་ལྷའི་རྔ་བོ་ཆེ་ཞེས་བྱ་བ། བླ་མ་དང་ལྷག་པའི་ལྷ་ལ་ཕྱག་འཚལ་ལོ། ། དགེ་ཚོགས་ཉི་མའི་དཀྱིལ་འཁོར་རབ་རྒྱས་པས། ། བདག་བློའི་མ་རིག་མུན་པ་སེལ་བ་དང་། ། མཐའ་ཡས་གདུལ་བྱ་པདྨོའི་གཉེན་གྱུར་ཅིང་། ། ཏིང་འཛིན་སྦྲང་རྩི་ཡོངས་སུ་འཕེལ་བའི་རྒྱུ། །   དམ་པ་རྣམས་ཀྱིས་བསྟོད་པའི་སྒྲ་སྒྲོགས་ཤིང་། ། རི་བོའི་དབེན་གནས་ཚད་མེད་ཏིང་འཛིན་བསྒོམ། ། གངས་རིའི་ཁྲོད་ན་རྣལ་འབྱོར་མཆོག་གྱུར་པ། ། ཐར་འདོད་རྣམས་ལ་ཕན་པའི་དགའ་སྟོན་འགྱེད།…

ཡ་ཐོག་ཞང་ཞུང་གི་ཡི་གེ་བྱུང་ཚུལ།


  ཡ་ཐོག་ཞང་ཞུང་གི་ཡི་གེ་བྱུང་ཚུལ། ཆོས་རྒྱལ་ནམ་མཁའི་ནོར་བུ། དུས་རིམ་གོང་མའི་ལོ་རྒྱུས་ཀྱི་དབུ་མ་བརྙེས་པའི་གོང་དེར་ཞང་ཞུང་གི་ཡུལ་དུ་མི་རབས་དུ་མ་ཞིག་བྱུང་ཡོད་པ་དང་། བོན་གྱི་ལུགས་འགའ་ཡང་དར་སྲོལ་བྱུང་ཡོད་པ་དེ་ལྟར་ན། དུས་སྐབས་དེ་དག་ཏུ་ཡི་གེའི་སྒོ་ནས་ཕན་ཚུན་བརྡ་སྤྲོད་པའམ་དེ་དང་ཕྱོགས་འདྲ་བའི་ཤེས་རིག་འགའ་རེ་བྱུང་མེད་པའི་ངེས་པ་ཅི་ཞིག་ཡོད། སྨོན་པའི་མི་བོ་ལུམ་ལུམ་ནས་གཤེན་རབ་མི་བོ་ཆེའི་ཡབ་རྒྱལ་བོན་ཐོད་དཀར་གྱི་བར་དམུ་རྒྱལ་གྱི་གདུང་རབས་བཅོ་བརྒྱད་བྱོན་ཡོད་པའི་ཚུལ། ཡ་ཐོག་ཞང་ཞུང་གི་བོན་རབས་བཤད་པའི་སྐབས་གསལ་བར་སྤྲོས་ཡོད་པའི་རྒྱལ་རབས་དེ་རྙེད་ཀྱི་རིང་ལ་ཕན་ཚུན་བརྡ་སྤྲོད་པའི་ཆ་རྐྱེན་དང་། རྒྱལ་ཁམས་ལ་དབང་བྱེད་པའི་ཆ་རྐྱེན་དུ་ཡི་གེའི་སྦྱོར་བ་ཅི་རིགས་ཤིག་བེད་ སྤྱོད་བྱས་ཡོད་དམ་མེད་པའི་སྐོར་འདི་རིགས་ནི་ཆེས་སྔ་བའི་ལོ་རྒྱུས་ཤིག་ཡིན་པ་དང་། ལོ་རྒྱུས་དེ་རིགས་ཀྱི་ཁུངས་སྟོན་བྱེད་གནའ་བོའི་ཡིག་རྙིང་འགའ་ཞིག་ཀྱང་འཐོབ་ཏུ་མེད་པར་བརྟེན། ད་ལྟའི་དུས་སུ་རྟོགས་ཤིན་ཏུ་དཀའ་བ་ཡིན། དེ་ལྟར་ནའང་གཤེན་རབ་མི་བོ་ཆེས་བོན་བསྟན་ཅིང་། ཡི་གེའི་སྲོལ་གསར་དུ་མཛད་པའི་ལོ་རྒྱུས་འདི་ནི་བོན་གྱི་ཡིག་ཆ་ཕལ་མོ་ཆེར་ཡོངས་གྲགས་པ་ཡིན་སྟབས། གཤེན་རབ་བྱོན་པ་ནས་བཟུང་རང་རེས་ཞང་ཞུང་གི་ཡི་གེ་བྱུང་ཡོད་པའི་ཚུལ་ངེས་པར་དུ་ལབ་ཆོག་ལ། ལུང་དང་རིག་པ་གང་ལ་བརྟེན་ནའང་ཚུལ་མཐུན་ཞིག་ཏུ་མངོན་ཐུབ། ལེགས་བཤད་རིན་པོ་ཆེའི་མཛོད〔པེ159ཕ12〕ལས་བོད་ཀྱི་ཡི་གེ་ནི་དང་པོ་སངས་རྒྱས་ཀྱིས་མཛད་དེ། མདོ་ལས། ཡི་གེ་སུམ་ཅུས་བོན་གྱི་ཁོག་ཡང(ཀྱང་)ཕུབ། མགོ་ཡིས་ལམ་དྲངས་ཤད་ཀྱི་མདོ་ཡང་བཅད།…

སངས་རྒྱས་གཤེན་རབ་མི་བོའི་འཁྲུངས་ཡུལ་སྐོར་ལ་རོབ་ཙམ་དཔྱད་པ།


  སངས་རྒྱས་གཤེན་རབ་མི་བོའི་འཁྲུངས་ཡུལ་སྐོར་ལ་རོབ་ཙམ་དཔྱད་པ། གངས་སེང་། གསང་སྔགས་འཆང་བ་གཡུང་དྲུང་བོན་གྱི་ལོ་རྒྱུས་རྣམས་སུ་དག་ཞིང་འོལ་མོ་ལུང་རིང་ཞེས་པ་ཞིག་འཇིག་རྟེན་འདིའི་ཁམས་སུ་ཡོད་པ་དང་། དེར་སྤྱི་ལོའི་སྔོན་གྱི་ལོར་(༡༦༠༡༧)སངས་རྒྱས་གཤེན་རབ་མི་བོ་སྐུ་འཁྲུངས། ཁོང་གིས་མཛད་ཆེན་བཅུ་གཉིས་དང་མཛད་ཕྲན་དྲུག་བཅུའི་ཚུལ་བསྟན་ཏེ་མཐར་གཤེན་ལོ་བརྒྱད་ཅུ་གྱ་གཉིས་མི་ལོ་བརྒྱད་སྟོང་ཉིས་བརྒྱ་ལ་མྱ་ངན་ལས་འདས་པར་བཤད་པས་དེ་དག་གི་ཚུལ་ཀུན་མཁྱེན་ཤར་རྫ་པའི་གསུང་འབུམ་དང་སྐྱབས་རྗེ་ཡོངས་འཛིན་རིན་པོ་ཆེའི་གསུང་འབུམ་དག་ལ་གཟིགས་ན་ཞིབ་ཕྲར་མཁྱེན་ཐུབ། དེ་ནི་ཐེག་པ་ཆེན་པོ་བསམ་ཀྱིས་མི་ཁྱབ་པའི་བློ་ཡི་འཁྱེར་སོ་ལ་གཞིགས་ན་མི་སྲིད་པ་དང་མི་འོས་པ་གཏན་ནས་མིན། སྟོན་པ་མཆོག་གི་སྤྲུལ་སྐུ་འཇིན་རྟེན་ཁམས་སུ་སྐྱེ་བ་བཞེས་པའི་སྐབས་སུ་གང་ཟག་ཕལ་པ་དང་གཏན་ནས་མི་འདྲ་བ་དང་། དེ་དག་གི་བསམ་ཚུལ་ལས་འདས་པའི་མཛད་འཕྲིན་ཞིག་སྐྱོང་རྒྱུ་ཡོད་དགོས་པ་དོན་དངོས་ཡིན། ས་ཐོབ་འཕགས་པ་ལའང་སྐད་ཅིག་གཅིག་ལ་སྤྲུལ་པ་བརྒྱ་ཕྲག་བཅུ་གཉིས་ལ་སོགས་པའི་ཡོན་ཏན་ཡོད་པར་བཤད་པ་དེ་དག་སྐྱེ་བོ་ཕལ་པའི་བློ་ཡུལ་ལས་འདས་ཀྱང་ཐེག་པ་ཆེན་པོའི་རིགས་ཅན་རྣམས་ཀྱིས་ངེས་པར་དུ་འདོད་ཀྱིན་ཡོད། ཚངས་རྒྱུང་འཇིག་རྟེན་གྱི་བཀོད་པ་བཤད་པའི་སྐབས་སུ་རི་རབ་ཀྱི་བང་རིམ་རྣམས་རི་རབ་ཀྱི་སྟེང་ནས་མར་ཡོད་པ། དེ་་ནས་ཕར་འཕར་ཞིང་མར་ཆེར་ཕྱིན་པ་དང་། རི་རབ་ཕྱེད་ནས་ཕར་འཕར་ཞིང་། དེ་ནས་ཡར་ཆེར་སོང་བ་དང་། བང་རིམ་རྣམས་ཆུ་མཚམས་ནས་ཡར་ཡོད་པ་དང་། རི་རབ་རྩེ་ནས་མར་ཡོད་པ། དབྱིབས་ཀྱང་ཟླུམ་པོ་དང་གྲུ་བཞི་སོགས་གཞུང་ལུགས་རྣམས་སུ་མི་འདྲ་བ་དུ་མར་བཤད་པ་དག་འགལ་འདུ་མ་ཡིན་པར་སེམས་དཔའ་འཕགས་པའི་རྗེས་ཐོབ་ཀྱི་སྣང་ཚུལ་ལ་ཅི་ཡང་འབྱུང་ཆོག་པ་བཞེད་ཀྱིན་ཡོད། དེར་མ་ཟད་གཙང་མ་རིགས་ལྔའི་གནས་སུ་དག་པའི་ཞིང་ཁམས་རེ་ཡོད་པ་དང་། དེར་ལོངས་སྤྱོད་རྫོགས་སྐུ་བཞུགས་ནས་འཁོར་གཡུང་དྲུང་སེམས་དཔའ་འཕགས་པ་ཤ་སྟག་དང་། སྟོན་འཁོར་དེ་དག་གིས་ཐེག་པ་ཆེན་པོའི་བོན་ཏིང་ངེ་འཛིན་ཁོ་ནའི་སྒོ་ནས་ཉན་བཤད་མཛད་པར་གསུངས།…