མདུན་ངོས། » Dzogchen Religion

Dzogchen Religion

བརྡ་ཡི་བོན་བཅུ་དྲུག་པ་བཞུགས་སོ།།


  བརྡ་ཡི་བོན་བཅུ་དྲུག་པ་བཞུགས་སོ།། བླ་ཆེན་དྲན་པ་ནམ་མཁའ། སྟོན་པ་ཀུན་ཏུ་བཟང་པོ་རང་གྲོལ་རྟོགས་པ་ཆེ་ལ་ཕྱག་འཚལ་ལོ། །བླ་ཆེན་པོ་དྲན་པ་ནམ་མཁས། ཁྱད་པར་བརྡའི་བོན་བཅུ་དྲུག་གསུང་པ། གཅོ་ཟ། གཤེན་རབ་ནམ་མཁའི་ལུས་ཅན་འདོད་ན། རྟག་ཏུ་གཅེར་བུར་ཕྱུང༌། (མཚན་མའི་གོས་ཀྱིས་མི་གཡོགས།)ཁྲུས་ཆེན་རྟག་ཏུ་གྱིས།(ཕྱི་ནང་གི་སྒྲིབ་པ་ཉམས་ཀྱིས་བསིལ།) ཉི་ཟླ་ལག་པས་ཟུངས།(ཐབས་ཤེས་གཉིས་ལ་རྟེན་ལ་གསལ་འགྲིབ་མེད་པའི་ཡེ་ཤེས་ངོས་བཟུང༌།) འཁོར་ལོ་ཀླད་ལ་བསྐོར།(ཐོས་བསམ་སྒོམ་གསུམ་ལ་རྟེན་ནས་ཤེས་རབ་ཀྱི་འཁོར་ལོ།) ་མེ་ལོང་ལོག་ལ་ལྟོས། (ཤེས་པ་དང་མ་བྲལ་བ་བྱ།) དུག་ནད་སོས་པར་གྱིས། (ཉོན་མོངས་པ་ལྔ་སོགས་དེངས་སུ་བཅུག་ལ་མེད་པར་བྱ།) ཐག་པས་བཅིང་པ་ཁྲོལ། (ང་བདག་གཟུང་འཛིན་གྱིས།) གཅན་ཟན་གསེབ་ནས་བྲོས། (ལྷའི་བུ་ལས་སོགས་འཇིགས་པའི་བདུད་བཞི་གཞོམ།)…

བླ་ཆེན་པོ་དྲན་པ་ནམ་མཁའ་ལ་སློབ་དཔོན་བེ་རོ་ཙ་ནས་ཞུས་པའི་སྣང་བ་བརྡ་ཁྲོལ་གྱི་གདམས་ངག


  ཁྱད་པར་གྱི་བརྡ་བཅོ་བརྒྱད་པ། བླ་ཆེན་པོ་དྲན་པ་ནམ་མཁའ་ལ། སློབ་དཔོན་བེ་རོ་ཙ་ནས་ཞུས་པ། སྣང་བ་བརྡ་ཁྲོལ་གྱི་གདམས་ངག་གསུང་པ་ དེ་གང་ལགས། ཞེས་ཞུས་པས། བརྡ་ལ་གཉིས། འཁྲུལ་སྣང་ཐབས་སུ་འཁྱེར་བའི་བརྡ་དང༌། (དུག་ལྔ་ཐོག་བརྫི་བ།)རིག་པ་རང་སར་གྲོལ་ནས་བརྡ་གསུང་པ། (ཅིར་སྣང་རིག་པ་ཡིན་པས།) བུ་འཁོར་བ་ལ་ཕྱི་ཕྱག་འཚལ་ཞིང༌། (འཁོར་བ་ཕྱིར་མི་ལྡོག་ཅིང༌།) ཐར་པའི་སྐྲས་ཆེན་འཛུགས་ན། (ཕྱི་མའི་བདེ་བ་ཞེ་ཐག་པ་ནས་བསྒྲུབ་ན།) བྱ་རྒན་གྱི་འདབ་གཤོག་བྲེགས་ཤིག (འདོད་ཅིང་ཆགས་པ་བསྐྱུངས་ལ་སྦྱིན་པ་བཏང༌།) དུག་སྦྲུལ་རྩིས་གསོས་ཤིག (ཞེ་སྡང་ལ་བྱམས་པ་བསྒོམ།) ཕག་རྒོད་མུན་ཁང་ནས་ཐོན་ཅིག…

དྭོགས་སེལ་འགའ་ཞིག་གླེང་བའི་ལེའུ་རིན་ཆེན་གཙག་བུ་ཞེས་བྱ་བ་བཞུགས།།


  དྭོགས་སེལ་འགའ་ཞིག་གླེང་བའི་ལེའུ་རིན་ཆེན་གཙག་བུ་ཞེས་བྱ་བ་བཞུགས།། ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་ཆེ།  ཐོག་མ་མེད་ནས་བསགས་པའི་སྒྲིབ་ཚོགས་སྤྲིན། །དགོངས་རྟོགས་ཡེ་ཤེས་ཆེན་པོའི་ཉི་གཞོན་གྱིས། །ཕ་མཐར་བྱས་ཏེ་སྐུ་གསུམ་རྒྱལ་བའི་མཛོད། །སྣང་བར་མཛད་པོ་ཏ་པི་ཧྲི་ཙའི་ཞབས། །རང་འདྲའི་བསྟན་སྒོར་ཞུགས་པ་འགར། །རྣམ་དཔྱོད་རྟོགས་པའི་ཤེད་མ་རྒྱས། །གཞུང་དོན་ཟབ་ཅིང་ཕྲ་བའི་དོན། །གསལ་བར་འདོད་ལ་གྲོས་འདེབས་ཚུལ། །རྫོགས་པ་ཆེན་པོའི་གཞུང་རྣམས་སུ། རྟོགས་ཏེ་སངས་རྒྱས་སུ་མ་བྱུང༌། སྐུ་དང་ཡེ་ཤེས་སུ་མ་གྲུབ། མ་རྟོགས་ཏེ་སེམས་ཅན་མ་བྱུང༌། ངམ་གྲོག་གཡང་ས་ཚེར་དོང་གང་ཡང་མེད་པའི་དུས་ན། ཞེས་དང༌། རྟོགས་ཏེ་ཨ་ཐ་མ་བྱུང༌། མ་རྟོགས་ཏེ་སེམས་ཅན་མ་བྱུང་བའི་སྔོན་རོལ་ན། གཞི་དངོས་པོ་གཤིས་དོན་གྱི་འདུག་ཚུལ་ཇི་ལྟར་གནས་པ་ནི།…

རིག་པ་ཀློང་བརྡོལ་བླ་མ་ཀུན་བཟང་བསྟན་འཛིན་གྱི་ལྟ་མགུར།


  རིག་པ་ཀློང་བརྡོལ་བླ་མ་ཀུན་བཟང་བསྟན་འཛིན་གྱི་ལྟ་མགུར།   ཨ་ཧོ། ཀ་དག་བློ་འདས་ཉག་གཅིག་ཀུན་བཟང་གི་དགོངས་པ། མ་བཅོས་ཡེངས་མེད་ངང་དུ་རང་ངོ་འདི་སྐྱོངས་མཛོད། ། རང་རྩལ་ལྷུན་གྲུབ་སྣང་བ་འོད་གསལ་གྱི་རང་མདངས། དྲན་རྟོག་བཀག་སྒྲུབ་བྲལ་བའི་རང་འབྱུང་གི་ཡེ་ཤེས། །   མ་བསྒོམས་སྒོམ་པ་ཆེན་པོར་རང་རིག་ལ་རྫོགས་ནས། ། འཁོར་འདས་རོ་གཅིག་ངང་མཉམ་བརྗོད་མེད་ཀྱི་ངང་དུ། ཚེ་གཅིག་གདོད་མའི་མགོན་པོའི་རྒྱལ་ས་རུ་ཕྱིན་ཏེ། ། བོན་སྐུའི་ངོ་བོ་ཉིད་ལས་རང་བཞིན་དུ་མ་འགག །   གཟུགས་སྐུའི་བཀོད་པས་སྣ་ཚོགས་འགྲོ་དོན་དུ་བྱེད་ནས།…

རྫོགས་པ་ཆེན་པོའི་དཔེ་དོན་རྟགས་གསུམ་གྱི་ཚུལ་བཤད་པ་ཉུང་ངུ་རྣམ་གསལ།


  རྫོགས་པ་ཆེན་པོའི་དཔེ་དོན་རྟགས་གསུམ་གྱི་ཚུལ་བཤད་པ་ཉུང་ངུ་རྣམ་གསལ། སྒོམ་གྲྭ་མཁན་པོ་ཚུལ་ཁྲིམས་བསྟན་འཛིན། ༧ སྣང་སྲིད་རྟེན་གཡོའི་ཆོ་འཕྲུལ་ཇི་སྙེད་པ། ཐམས་ཅད་ཡེ་རིག་ཆེན་པོའི་ཤར་ལུགས་ཞེས། ཚུལ་བཞིན་འདོམས་པའི་བླ་མ་ལྷག་པའི་ལྷས། ཡིན་ལུགས་ཇི་བཞིན་རྟོགས་པར་བྱིན་གྱིས་རློབས། ༧ དེ་ཡང་ཞང་ཞུང་སྙན་རྒྱུད་རྒྱུད་བུ་ཆུང་བཅུ་གཉིས་ལས། ཇ༽ སེམས་ཀྱི་དཔེ་ནི་ནམ་མཁའ་འདྲ། ཉ༽ སེམས་ཀྱི་རྟགས་ནི་སེམས་ཉིད་ཡིན། ཏ༽ སེམས་ཀྱི་དོན་ནི་བོན་ཉིད་དོ། ཞེས་པས་དཔེ་དོན་རྟགས་གསུམ་གྱི་དོན་མདོར་བསྟན། ཡང་དེ་ཉིད་ལས། ཇ༽ བྱང་ཆུབ་སེམས་ནི་དཔེའི་མཚོན།…

རྫོགས་པ་ཆེན་པོ་ཡེ་ཁྲི་མཐའ་སེལ་གྱི་དོན་འགྲེལ།


  རྫོགས་པ་ཆེན་པོ་ཡེ་ཁྲི་མཐའ་སེལ་གྱི་དོན་འགྲེལ། ༧སྐྱབས་རྗེ་ཡོངས་འཛིན་རིན་པོ་ཆེ།       མཆོང་ཆུང་ཉི་ཤུ་རྩ་ལྔ་ཡོད་པ་ལས། དགོས་འདོད་གསལ་བྱེད་བཤད་གཞིའི་མཆོང་ལ་སྔོན་དངོས་རྗེས་གསུམ་ལས། དངོས་གཞིའི་གཞུང་ལ་ལེའུ་བཅུ་གཅིག་ཡོད་པ། འདི་ཉིད་ལས། དེ་ལ་ཚིག་དོན་དང་པོ་རྟོགས་ཏེ་ཨ་ཐ་མ་བྱུང་། མ་རྟོགས་ཏེ་སེམས་ཅན་མ་བྱུང་བའི་སྔོན་རོལ་ན། གཞི་དངོས་པོ་གཤིས་དོན་གྱི་འདུག་ཚུལ་ཇི་ལྟར་གནས་པ་ནི། སྤྱིར་ཁྱད་པར་ཡང་རྩེ་རྫོགས་ཆེན་ཀུན་གྱི་ལུགས་ཀྱི། འདོད་ལུགས་བདུན་ལས་མི་འདའ་སྟེ། གཞི་ལྷུན་གྲུབ་ཏུ་འདོད་པའི་ལུགས་དང་། མ་ངེས་པར་འདོད་པའི་ལུགས་དང་། ངེས་པ་དོན་གྱི་དངོས་གཞི་བར་འདོད་པའི་ལུགས་དང་། ཅིར་ཡང་བསྒྱུར་དུ་བཏུབ་པར་འདོད་པའི་ལུགས་དང་། ཅིར་ཡང་ཁས་བླང་དུ་བཏུབ་པའི་ལུགས་དང་། གཞི་སྣ་ཚོགས་སུ་འདོད་པའི་ལུགས་དང་། གཞི་ཀ་དག་ཏུ་འདོད་པའི་ལུགས་དང་བདུན་ལས་མི་འདའ་བའོ།…

འཕགས་པ་ཐུགས་རྗེ་ཆེན་པོའི་དམར་ཁྲིད་ཕྱག་རྫོགས་ཟུང་འཇུག་གི་ཉམས་ལེན་སྙིང་པོ་བསྡུས་པ་བཞུགས་སོ། །


  འཕགས་པ་ཐུགས་རྗེ་ཆེན་པོའི་དམར་ཁྲིད་ཕྱག་རྫོགས་ཟུང་འཇུག་གི་ཉམས་ལེན་སྙིང་པོ་བསྡུས་པ་བཞུགས་སོ། ། རྣལ་འབྱོར་པ་རཱ་ག་ཨསྱས་ཀྱིས་མཛད་པ། ན་མོ་མ་ཧཱ་ཀཱ་རུ་ཎི་ཀཱ་ཡེ། མདོ་རྒྱུད་གཞུང་ལུགས་རྒྱ་ཆེ་གྲངས་མང་ཡང༌། །ཚེ་ཐུང་ཤེས་རབ་ཆུང་བས་མཐའ་ཆོད་དཀའ། །མང་དུ་ཤེས་ཀྱང་ཉམས་སུ་མ་བླང་ན། །རྒྱ་མཚོའི་འགྲམ་དུ་སྐོམ་གྲིར་ཤི་དང་འདྲ། །མཁས་པའི་མལ་དུ་ཐ་མལ་རོ་འབྱུང་སྲིད། །མདོ་རྒྱུད་ལུང་དང་རྒྱ་བོད་མཁས་གྲུབ་གསུང༌། །བྱིན་རླབས་ཆེ་ཡང་ཕལ་པས་གོ་བ་དཀའ། །གྲྭ་སར་བཤད་པ་བྱེད་ན་མཁོ་ལགས་ཀྱང༌། །རྩེ་གཅིག་ཉམས་སུ་ལེན་ལ་དགོས་པ་ཆུང༌། །དེ་བས་རྒན་མོ་འཛུབ་ཚུགས་སེམས་ལ་ཕན། །ཕྱག་རྫོགས་ལ་སོགས་ཟབ་ཆོས་དཔག་མེད་རྣམས། །སོ་སོའི་རང་གཞུང་མ་འཆུག་ངེས་པ་ཅན། །ཆོས་བརྒྱུད་སློབ་མར་སྤེལ་ན་མཁོ་ལགས་ཀྱང༌། །རང་དོན་ཕྱི་མའི་དོན་གཉེར་ཉམས་ལེན་ལ། །ཐམས་ཅད་གཅིག་ཏུ་དྲིལ་ནས་ཉམས་ལེན་ཟབ།…

ཞང་ཞུང་སྙན་རྒྱུད་ལས་རྒྱུད་བུ་ཆུང་བཅུ་གཉིས།


  རྫོགས་པ་ཆེན་པོ་ཞང་ཞུང་སྙན་རྒྱུད་ལས་རྒྱུད་བུ་ཆུང་བཅུ་གཉིས་བཞུགས་སོ།།   ཞང་ཞུང་སྨར་གྱི་སྐད་དུ་ན། ཨཱི་ཐི་ཀུ་ཡིག་ཁྲི་རྩེ་ཨུ་པ་ཏན་ཏྲ་ཐད་དོ་ཅི། བོད་སྐད་དུ། རྫོགས་པ་ཆེན་པོ་བྱང་ཆུབ་སེམས་ཀྱི་གནད་བྱང༌། ཐིག་ལེ་ཉག་གཅིག་ཨེ་མ་ཧོ། །ཀུན་ཏུ་བཟང་པོ་རང་འབྱུང་རིག་པའི་ལྷ་ལ་ཕྱག་འཚལ་ལོ།།༡༽འདི་སྐད་བདག་གིས་བསྟན་པའི་དུས་ཅིག་ན། གནས་འོག་མིན་བོན་ཉིད་ཀྱི་དབྱིངས་ན། ༢༽ཡེ་ཉིད་ཀྱི་སྟོན་པ་ཀུན་ཏུ་བཟང་པོ། ཅིར་ཡང་མཚོན་དུ་དཀའ་སྟེ། གདོད་ནས་བརྗོད་མེད་ཆེན་པོར་བཞུགས་སོ། །དེའི་ངང་ལས། ཐུགས་རྗེའི་སྟོན་པ་ཀུན་ཏུ་བཟང་པོ། ཐུགས་རྗེ་ཀུན་ལ་སྙོམས་པར་བཞུགས་སོ། །ཐུགས་ཉིད་མ་གཡོས་པའི་ངང་ལས། །གཡོ་བ་ཡེ་ཤེས་ཀྱི་ཆོ་འཕྲུལ་དུ། །སེམས་ཅན་གཞན་ལ་ཚད་མེད་པའི་སྙིང་རྗེ་ཤར་རོ། །ཚད་མེད་པའི་སྙིང་རྗེ་དེས།…

དོན་གྱི་མན་ངག་ཉི་ཤུ་རྩ་གཉིས་ཀྱི་སྡོམ།


  དོན་གྱི་མན་ངག་ཉི་ཤུ་རྩ་གཉིས་ཀྱི་སྡོམ། དང་པོ་མཚན་བཏཌ་རང་རིག་མཉམ་ཉིད་ལ་ཟློ་བསྟན། ། གཉིས་པ་གནས་ལུགས་བསྒྲུབ་མེད་ཡེ་ནས་གྲུབ་པར་བསྟན། ། གསུམ་པ་ཤར་ལུགས་དགག་མེད་ཡེ་ཤེས་མཐོངས་གསལ་བསྟན། ། བཞི་པ་ཡིན་ལུགས་དམིགས་མེད་བོན་ཉིད་ཀློང་བརྡོལ་བསྟན། ། ལྔ་པ་གྲོལ་ལུགས་ཆད་མེད་མཉམ་ཉིད་ལ་ཟློ་བསྟན། ། དྲུག་པ་ལྟ་སྒོམ་སྤྱོད་འབྲས་ཤེས་བྱ་ཕྱོགས་མེད་བསྟན། ། བདུན་པ་མཐའ་བཞི་རྒྱ་བཀྲོལ་མཐར་འཛིན་རང་བསལ་བསྟན། ། བརྒྱད་པ་གསང་བ་ཀློང་བརྡོལ་སྐྱོན་ཡོན་གཉིས་མེད་བསྟན། ། དགུ་པ་ཤུགས་འབྱུང་སྤྱོད་པས་གནས་ལུགས་རང་གྲོལ་བསྟན། །…