མདུན་ངོས། » New Leterature

New Leterature

ཕ་ཡུལ།


  ཕ་ཡུལ། གཟི་མིག་དགུ་པ། (བོད་ལྗོངས་ནག་ཆུ།) ༡  མང་པོའི་མཐོང་ཡུལ་དུ་ཧ་ཅང་རྒྱ་ཆུང་ཞིང་གླེང་རིན་མེད་པའི་སྐྱ་ཐིང་ཐིང་གི་རི་གྲོང་ཆུང་ཆུང་དེར།མཐོ་བ་གནམ་ལ་ཟུག་པའི་གངས་རིའི་འགྱིང་ཚུགས་མེད་ལ།དམའ་བ་རྒྱ་མཚོར་ཐིམ་པའི་ཀླུང་ཆེན་གྱི་འཁྱུག་འགྲོས་ཡང་མེད།དེ་བཞིན།སྲིད་པའི་མགུར་ལྷ་བཅུ་གསུམ་གྱི་བཞུགས་གྲལ་དུ་འཁོད་མྱོང་བའི་གངས་རི་མེད་ལ།བོད་ཁམས་བརྟན་མ་བཅུ་གཉིས་ཀྱི་ཚོགས་གྲལ་དུ་སྡོད་མྱོང་བའི་སྤང་རི་ཡང་མེད་པར།གནའ་ནས་ད་ལྟའི་བར།ཁུ་སིམ་སིམ་ངང་།དལ་ལྷོད་ལྷོད་ངང་།དཀྱིལ་ཡངས་ཀྱི་ལྷིང་འཇགས་རེ་རེ།ཅི་འདྲའི་སྨྲ་བ་མེད་པར་ས་ཆེན་གྱི་སྒལ་སྲུབ་ཏུ་ལྷག་པའི་ལུང་པ་ཆུང་ཆུང་ཞིག་རེད་ཨང་།ཆེས་སྤྱིར་བཏང་གི་ལུང་ཆུང་དེར།ཆེས་སྤྱིར་བཏང་གི་རི་བོ་དང་རི་བོ་བསྣོལ་ཞིང་ཆུ་བོ་ཡིས་ཆུ་བོ་སྒུལ་བཞིན་དུས་རབས་ཇི་ཙམ་འདས་ཟིན་པ་ནི།མེས་པོ་ཚོའི་རྣམ་ཤེས་ཁོ་ནས་དཔོག་ཅིང་།ཉི་ཟླ་ཡི་འགྲོ་འོང་གཅིག་པུས་མཐོང་བ་ལས་མ་འདས།  ཨཱ་་་།  ངའི་ཕ་ཡུལ།  ཁུ་སིམ་སིམ་གྱི་རི་གྲོང་ཆུང་ཆུང་དེ་ནི་སྲིད་པ་ས་ཆེན་གྱི་སྒལ་ཚིགས་ཆག་རོ་ཙམ་སྟེ།གདོད་མའི་རང་བྱུང་གི་རྫ་རི་སྨུག་པོ།གནའ་བོའི་གངས་འཁྱག་གི་དབུ་རྨོག་ཐེད་པོ།མཐོ་སྒང་སྤང་ལྗོངས་ཀྱི་ཐུ་སྣེ་རལ་པོ།རལ་བིག་ཐེད་གསུམ་དུ་གྱུར་པའི་ཡུལ་གྲུ་འདི།བསྐལ་བ་ཇི་སྲིད་ནས་ཇི་སྲིད་བར་དུ་རླུང་གིས་གཡོས།ཆར་གྱིས་སྦང་།ལྷགས་པས་བཅོམ་རུང་།ཁྱེད་ཀྱིས་ཕ་ཡུལ་གྱི་མི་ཚོགས་ལ་བཅངས་པའི་བརྩེ་བ་འདོར་མ་མྱོང་ཞིང་།རི་དྭགས་གཡུང་དྭགས་ལ་ཕུལ་བའི་ལྷག་བསམ་རྫོགས་མ་མྱོང་པར།སྦྲ་ནག་པོ་སྒོ་དར་ཅན་དང་ལྷས་ཁྲ་མོའི་ལྕི་འདམ་ཁྲོད་ནས་འབྲོག་པ་ཚོར་ཁ་བརྡ་བྱས་ཤིང་ལོ་རབས་འདས།གྱང་གོག་པོ་སྒེའུ་ཁུང་ཅན་དང་ཞིང་གྲུ་བཞིའི་ལོ་འབྲས་གསེང་ནས་རོང་པ་ཚོར་གཏམ་རྒྱུད་འཆད་དེ་དུས་རབས་རྫོགས།ཤྭ་གནའ་དགོ་གསུམ་དང་འཕར་སྤྱང་དྲེད་གསུམ་སོགས་རི་དྭགས་དང་གཅན་གཟན་ཚུན།འདབ་ཆགས་དང་འབུ་སྲིན་ཡན་ལ་གཏང་སྙོམས་ཚད་མེད་བྱེད་མཁན་ཡང་ཁྱེད་ཉིད་རེད།དོན་དུ།ཁྱེད་ཀྱིས་ཆེས་བརྩེ་ཤོས་ནི་ཡུལ་འདིའི་ནང་བཅུད་ཀྱི་སེམས་ཅན་ཁོ་ན་ཡིན་དུས།ཁྱེད་ནི་ཆགས་སྡང་དང་ཕྱོགས་རིས་ཡོངས་སུ་བྲལ་བའི་ངའི་སྙིང་དབུས་ཀྱི་ལྷ་ཆེན་གསོན་པོ་ཞིག་ཅི་ལ་མིན།ད་གཟོད་ཁོ་བོས་ཁྱེད་ལ་བརྗིད་པའི་ཉམས་དང་བརྟན་པའི་ཚུགས།སྒམ་པའི་བློ་དང་གཏང་སྙོམས་ཀྱི་ཐུགས་གཤིས་ཡོད་ཚད་འདུས་ཡོད་པ་རྟོགས་པས་དུས་དེ་ནས་བཟུང་ངས་ཁྱེད་ལ་དགའ་ཞིང་ཁྱེད་ལ་དུངས། ༢ མེས་པོའི་བསང་དུད་ཀྱི་ཀློང་དུ་སྟིམ་པའི་རི་བོ་ཆུང་ཆུང་།གནའ་མིའི་ངག་རྒྱུན་གྱི་ཁྲོད་དུ་གཟིམས་པའི་ལབ་རྩེ་ཐར་ཐོར།སྤྲིན་པ་ལ་ཐོད་དུ་དཀྲིས་པའི་རྒྱབ་རི་སྨུག་པོ།སྨུག་པ་མགུར་རྒྱན་དུ་བསྒྲོན་པའི་མདུན་རི་ཁྲ་བོ།ཕ་ཡུལ།ངའི་ཚོར་བའི་ཀློང་དུ་འཁྱིལ་ཞིང་སེམས་པའི་གཏིང་ནས་འཁྱོ་བཞིན།ང་ཡི་ཕྱོགས་སུ་ཡོང་བཞིན་ཡོད།ངའི་ལུས་ཀྱིས་ཁྱོད་དང་རྒྱང་ཐག་བཅད་པ་ནས་བཟུང་།ངའི་སེམས་ཀྱིས་ཁྱེད་དང་ཉེ་བར་བཅར་ཡོད།དོན་དེའི་དབང་གིས་ངས་ཅིས་ཀྱང་ཁྱེད་ཉིད་གླེང་བར་འདོད།ངའི་བྱིས་དུས་ཀྱི་བག་ཆགས་ཀློང་ན།ཁྱེད་ནི་ཅི་འདྲའི་གྲོང་ཁྱེར་དང་རྒྱང་ཐག་བཅད་པའི་རི་གྲོང་ཞིག་སྟེ།འཕེལ་རྒྱས་ཀྱི་གཏམ་རྒྱུད་བཀླགས་ནས་ལོ་མང་འགོར།ཚན་རྩལ་གྱི་རྨི་ལམ་སྨིན་ནས་དུས་རབས་འདས།དེ་ལྟར་ཁུ་སིམ་སིམ་ངང་།སྲོལ་རྒྱུན་གྱི་འཚོ་ཐབས་ཁོ་ནར་བརྟེན་ནས་དབྱར་ཟླ་དགུན་ལ་སྒྲིལ་ཞིང་དགུན་ཟླ་དབྱར་ལ་གཏུགས་ཏེ།མེས་པོ་ཚོའི་རུས་རྐང་གི་སྣུམ་ཚིལ་ཞུ་བ་གྲངས་ལས་འདས།རེད།ངའི་ཕ་ཡུལ་ནི་ཉི་ཟླའི་འགྲོ་ཡོང་གི་ལམ་ཐག་ཤིན་ཏུ་ཐུང་བས་ཉིན་སྲིབ་ཀྱི་དབྱེ་བ་གསལ།ས་བབས་མཐོ་དམན་གྱི་ཧེ་བག་ཧ་ཅང་ཆེ་བས།དུས་བཞི་ཡི་ཁྱད་པར་མངོན།དབྱར་ཟླ་གསུམ་འབྲོག་པ་མཚེར་སར་སྤོས་ཏེ་སྦྲ་གུར་གྱི་ལང་ཚོ་དང་ལུག་ཁྱུའི་འབའ་སྒྲ་བཀླགས།དགུན་ཟླ་གསུམ་རོང་གི་ཁང་པར་སྤོས་ཏེ་ཐབ་སྨུག་པོའི་སྣུམ་ཞག་མེ་རུ་སྒྲོན།དེ་ནི་རང་བྱུང་གོ་སྒྲིག་གིས་ཡུལ་དེའི་མི་དམངས་ལ་གནང་བའི་འཚོ་རྟེན་ཞིག་མིན་ནམ་སྙམ་རུང་འདི་ནི་བྱིས་དུས་ཀྱི་རྨི་ལམ་ཁོ་ནར་འཆར་ཡན་དང་ཕྱིར་རྟོག་བྱས་པ་ལས་མ་འདས།དོན་དམ་པར།ངའི་ཕ་ཡུལ་ནི་ཉིན་རེ་བཞིན་འགྱུར་ལྡོག་དང་འཕེལ་རྒྱས་ཀྱི་ལམ་བུར་སྙེག་བཞིན་ཡོད་པ་སྨོས་མེད་རེད་ཨང་།བལྟས་བལྟས་རིག་རིག་ལ།རྟ་ཕོའི་ཉིན་ལམ་གྱིས་འདོམ་པའི་ལམ་ཕྲན་གྱ་གྱུ་དག་སྣུམ་འཁོར་བང་ཁ་འགྲན་པའི་གཞུང་ལམ་དུ་གྱུར་ཟིན་ལ།གོ་གོ་ཐོས་ཐོས་སུ།ཧོར་པའི་ཚུགས་སོ་ན་ལྷག་པའི་ཛོག་རྡོ་སྨུག་པོ་ཡང་འཛུགས་སྐྲུན་གྱི་གཤོག་སྣེར་ཐོགས་ཏེ་ཆས་ཟིན།ད་དུང་།འབྲོག་པའི་ལྷས་ར་ནས་གཡོ་བའི་དཀར་བརྒྱ་ནག་སྟོང་།རོང་པའི་ཞིང་ས་ནས་བརྡོལ་བའི་ནས་ཡུང་སྲན་གསུམ། མར་ཕྱུར་དང་འོ་ཞོ།ཤ་ཐུད་དང་རྩམ་པ་སོགས་མེས་པོའི་རྣམ་ཤེས་དང་ལྷན་དུ་ཁུ་སིམ་སིམ་ངང་ཕ་ཡུལ་གྱི་མི་ཚོགས་ལ་གྱེས་ཕྱག་ཕུལ་ཏེ་ཕེབས་འགྲོ་བ་ནི་རྒན་རབས་ཚོའི་སེམས་ཁྲལ་ཀློང་ན་ཡོད་དམ། གཞོན་ནུ་ཚོའི་དོགས་སློང་ཁྲོད་དུ་ཡོད། འགྱུར་བ་ནི་ལྡོག་མེད་ཀྱི་ལས་དབང་ཡིན་ཞིང་འགྱུར་བ་ནི་སྲབ་མེད་ཀྱི་རྟ་རྒོད་རེད།ཡོད་ཚད་འགྱུར་འགྲོ་བ་ནི་སྲིད་པ་འཇིག་རྟེན་གྱི་ཆོས་ཉིད་དུ་གྲུབ་པས་ངའི་ཕ་ཡུལ་ཡང་དེ་བཞིན་ནོ།། ༣    ལོ་ངོ་འདི་དག་རིང་ངས་རྟག་ཏུ་ཕ་ཡུལ་དྲན་ཞིང་ཕ་ཡུལ་གླེང་བཞིན་ཡོད། ལོ་ངོ་འདི་དག་རིང་།ཕ་ཡུལ་ནི་འགྱུར་བའི་ཀློང་དུ་ཡོད་ལ།འཕེལ་རྒྱས་ཀྱི་ཁྲོད་དུའང་ཡོད།ངའི་བྱིས་དུས།ཕ་ཡུལ་གྱི་བྱིས་པར་དགོད་སྒྲ་མོད་ཅིང་ཕ་ཡུལ་གྱི་རྒན་པར་གནའ་གཏམ་མང་།ཕ་ཡུལ་གྱི་འབྲོག་པས་མགོ་སྦྲ་དབུབ་ཅིང་ཕ་ཡུལ་གྱི་ཞིང་པས་སོ་ནམ་བྱེད།ཕ་ཡུལ་གྱི་དབྱར་དགུན་ཤིན་ཏུ་གསལ་རུང་ཕ་ཡུལ་གྱི་མི་ཚོས་དབྱར་དགུན་དང་འཚམ་པའི་གྱོན་པ་བརྗེ་སྲོལ་མེད། ཕ་ཡུལ་གྱི་མི་རྣམས་སྒྱིད་ལུག་ཆེ་རུང་། ཕ་ཡུལ་གྱི་མི་ཚོས་འཚོ་རྟེན་དང་འབྲེལ་བའི་ཕ་ཞིང་དང་ནོར་ལུག་སྐྱུར་མྱོང་མེད།…

ང་རང་གི་བྱིས་པ་ཡིན་དུས།


  ང་རང་གི་བྱིས་པ་ཡིན་དུས། གཟི་མིག་དགུ་པ། ང་ཡི་ཕ་ཡུལ་ཁམས་ཀྱི་སྟོད་ནས་ཡིན།། ཤོད་ཆེན་བཅོ་བརྒྱད་ནང་གི་དཀར་ཤོད་ཅེས།། ས་མ་འབྲོག་གི་ལུང་པ་དེ་ནས་ཡིན།། ཆུང་དུས་མིང་ལ་སྔོ་ཡུ་རམ་དག་ཟེར།། དེ་ནི་གཅེས་མིང་མ་རེད་ངན་མིང་རེད།། གཅེན་མིང་བཤད་ན་ཨ་ཡུ་བསོད་འབྱོར་རེད།། གྲོང་པའི་ཨ་ཉོག་ནང་གི་དཔོན་པོ་ཡིན།། དགུན་དུས་རི་ལ་ཕྱུགས་རྫི་འགྲོ་མཁན་ཡིན།། རི་མགོའི་ནོར་རྫི་འགའ་ཡི་གཡོག་པོ་ཡིན།། ས་ཆུ་དྲོས་དུས་ཞིང་ལས་བྱེད་མཁན་ཡིན།། རོང་འབྲོག་ལས་ཀ་ཅུང་ཙམ་ཤེས་མཁན་ཡིན།། མགོ་ལུས་ཤིག་དང་སྲོ་མ་འབེལ་ཤོས་ཡིན།། གྱོན་པ་པགས་ཚགས་ཧྲལ་ཧྲུལ་གྱོན་མཁན་ཡིན།། སྐེ་རགས་དམ་པོ་བཅིང་ནས་འགྲོ་མཁན་ཡིན།། རྐང་པར་བོད་ལྷམ་མཐིལ་བིག་གྱོན་མཁན་ཡིན།། ལྷམ་སྒྲོག་ལྷ་དེ་ལྷོད་དེ་བཅིང་མཁན་ཡིན།། དོར་མ་རྟ་རལ་ཐབས་ཆག་གྱོན་མཁན་ཡིན།།…

རྣམ་ཤེས།


  རྣམ་ཤེས།   འབྲི་ཞོགས་རྩལ།        ང་རང་ཨ་མའི་བྱམས་བརྩེ་དང་རིང་དུ་གྱེས་པའི་བུ་ཕྲུག་ཅིག་ཡིན་པས་དུས་རྒྱུན་ཨ་མ་་དྲན་པ་ནི་ཚོར་བའི་གཏིང་མར་འདྲེས་པའི་སྙན་ངག་གིས་ཀྱང་མཚོན་ཐབས་བྲལ་བ། བརྗོད་གཞི་གཅིག་དང་གཉིས་ཙམ་གྱིས་གླེང་ཐབས་བྲལ་བས། ང་ལ་མཚོན་ན་ཨ་མ་ནི་འཇིག་རྟེན་ནས་བཙལ་ཡང་རྙེད་པར་དཀའ་བའི་སེམས་པའི་རང་བཞིན་གྱི་སྙན་ངག་གི་ངོ་བོར་གྲུབ་ཡོད།  རྒྱུ་མཚན་དེའི་ཕྱིར་ན། ངས་ཨ་མ་གླེང་བ་ནི་ཟླ་རེའི་དུས་ཚིགས་འདི་རྐྱང་རྐྱང་ག་ལ་ཡིན།ཐ་སྙད་ཀྱི་གོ་རིམ་སྒྲིག་པའི་གཤིས་ཀ་འདི་རྒྱུད་ལ་ཆགས་པ་ནས་བཟུང་།ངས་ནི་ཤེས་ཚོད་འཇོན་ཚོད་ཀྱིས་རྣམ་པར་དག་པའི་ཐ་སྙད་གང་གསར་དང་དྲི་མས་མ་རེག་པའི་ཚོར་བ་གང་ཡག་གིས་ཁྱོད་ལ་མཆོད་པ་ཕུལ་བ་ཡིན། ཨ་མ་ལགས། བུ་ཆུང་གིས་དེ་ཙམ་ལས་ཅི་ཡང་མི་འཁྱོངས་མོད། དེ་ཡིས་ནམ་ཡང་ཁྱོད་ལ་སྙིང་གཏམ་གློད་པ་དང་དྲན་ཚུལ་བརྗོད་པ་ཡིན།  སྐབས་དང་སྐབས་སུ་འཁྲུལ་སྣང་གིས་བསྡུས་པའི་རྨི་ལམ་གྱི་གྲོང་ཚོ་ཆུང་ཆུང་རེ་ནས། ངས་ཁྱེད་ཀྱི་ཞལ་ངོ་མཇལ་ཐུབ་པ་དང་ཁྱེད་ཀྱི་བརྩེ་བ་མྱང་ཐུབ་པ་བྱུང་མྱོང་། ང་ལ་མཚོན་ན་དེ་ནི་ཆེས་བདེ་སྐྱིད་ལྡན་པ་ཞིག་ཡིན་པས་ནམ་ཡང་རྨི་ལམ་དེ་ལས་སད་རྒྱུ་མེད་པར་སྨོན་ཡོད། ཨ་མ་ལགས།ཁྱེད་རང་འཇིག་རྟེན་ནས་རྒྱང་དུ་བཞུད་སྐབས། བུ་ཆུང་ནར་མ་སོན་པའི་བྱིས་པ་ཆུང་ཆུང་ཞིག་ཡིན་ཡང་།…

དུས་ཀྱི་སྐར་ཆེན་ཞིག་ལ་ཕུལ་བའི་སྤུངས་སོའི་མཆོད་པ།


  དུས་ཀྱི་སྐར་ཆེན་ཞིག་ལ་ཕུལ་བའི་སྤུངས་སོའི་མཆོད་པ།   གཟི་མིག་དགུ་པ། ཞབས་སེན་གངས་ལ་བརྡུངས་པའི་དབུ་ཁྱུད་ཀྱི་འོད་ཐིཊ།། མདོ་ཁམས་ནོར་འཛིན་འཕང་བའི་ཅོད་པན་ལ་འཁྱུད་དེ།། བགྲང་བྱ་བདུན་གཉིས་བསྣོལ་བའི་ཐོབ་གྲངས་ཀྱི་རི་མོ།། རྐང་བཞིའི་འབའ་ངུར་ཁྲོད་ནས་རི་ཀླུང་ལ་ཟགས་སྐད།། ། གཏོ་སྒྲོམ་ཚིག་ཤུལ་ལྷག་པའི་བརྡ་ཆད་ཀྱི་གླིང་བུ།། ལྗགས་རྩེ་ནོར་བུའི་ཏོག་གི་མཛེས་རྒྱན་དུ་བསྒྲོན་ཏེ།། སུག་བྲིས་གྱི་ལིང་འདུར་བའི་གར་སྟབས་ཀྱི་རྨིག་སྒྲ།། སྤང་གཡའི་ཧྲག་ཏུ་བཏབ་པ་གྲངས་ཀ་ཡིས་མི་ལོངས།།     སོར་ལྔའི་མེ་ཏོག་ཟུམ་པའི་མཚར་སྡུག་གི་འཛུམ་ཕྲེང་།། གནའ་བོའི་རི་གྲོང་སྐྱ་མོའི་མགོ་ནག་ལ་དགོད་དེ།། ཐོས་བརྩོན་ཤེས་བྱའི་རླབས་རིས་ཐུགས་ངོས་སུ་འཕྱོ་བའི།། དུས་ཀྱི་སྐར་ཆེན་ཁྱེད་ལ་མཆོད་དབྱངས་ཤིག་གྱེར་འགྲོ།། །…

མཚམས་ཆེན་སྦྱིན་པ་ཚུལ་ཁྲིམས་རིན་པོ་ཆེའི་མགུར་མ།


  ༄༅།།ལེའུ་དང་པོ་དེ་རིང་ནས་མི་གསར་པའི་མི་ཚེའི་དམ་བཅའ་དྲན་སྐུལ་བཞུགས་སྭོ།། མཚམས་ཆེན་སྦྱིན་པ་ཚུལ་ཁྲིམས་རིན་པོ་ཆེའི་མགུར་མ། རྣམ་ཤེས་འཁྱམས་པོ་ཁམས་གསུམ་འཁོར་བ་འཁོར།། འཁོར་བའི་སེམས་ཅན་ཉོན་མོངས་དུག་ལྔ་འཁྲུལ།། འཁྲུལ་བའི་སྡིག་སྒྲིབ་སྡུག་བསྔལ་རང་བཞིན་ང་།། ང་ཡི་འཁོར་བ་འདི་ལ་བློ་ཡི་ཟློག།   དལ་འབྱོར་རྙེད་དཀའ་བསམ་ནས་ངེས་འབྱུང་སྐྱེས།། འཆི་བ་མི་རྟག་བསམ་ནས་ངེས་འབྱུང་སྐྱེས།། ལས་དང་རྒྱུ་འབྲས་བསམ་ནས་ངེས་འབྱུང་སྐྱེས།། འཁོར་བའི་ཉེས་དམིགས་བསམ་ནས་ངེས་འབྱུང་སྐྱེས།།   སྟོང་གསུམ་ཕྱི་སྣོད་འཇིག་རྟེན་མི་རྟག་པ།། ཁམས་གསུམ་ནང་བཅུད་སེམས་ཅན་མི་རྟག་པ།། སྲིད་གསུམ་སྣང་སྲིད་འཁོར་བ་མི་རྟག་པ།། དུས་གསུམ་སྐྱེ་རྒས་ན་འཆི་མི་རྟག་པ།།   མ་ཡེངས་མི་རྟག་སྐད་ཅིག་ཡང་ཡང་སྒོམ།། མ་བརྗེད་སྐྱབས་འགྲོ་རྩེ་གཅིག་ཡང་ཡང་སྒོམ།།…

ཆོས་ལུགས་དགོས་སམ་ཕྲག་དོག་དགོས།


ཆོས་ལུགས་དགོས་སམ་ཕྲག་དོག་དགོས།   འབྲོག་སྐར་གྱིས་བྲིས། མཚོ་སྔོན་པོ་བོད་ཡིག་ཟིན་བྲིས་ནས་བདམས།  བོད་གཞི་བྱེས་གཉིས་ཀྱི་དྲྭ་གྲོགས་ཚོར་བསམ་ཚུལ་ཞིག་བྲིས་ན།  ཉེ་བའི་ལོ་མང་བོ་ཞིག་གི་སྔོན་ནས་འུ་ཚང་གི་བོད་པ་ཚོ་ཡར་རྒྱ་གར་དང་བལ་ཡུལ་སོགས་སུ་གཞིས་ཆགས་སུ་བསྡད་དེ་ནང་ཆོས་དང་རིག་གནས་གང་མང་ཞིག་སློབ་པའི་གོ་སྐབས་འཛིན་པར་སྐྱེས་འོང་། ཡིན་ཡང་དོན་དག་གཞན་ཞིག་ཏུ་འགྱུར་བཞིན་ཡོད་པ་དུས་ཀྱི་མཁོ་སྤྲོད་དང་ཆ་འཕྲིན་བརྡ་འཕྲིན་སོགས་དངོས་ཐོག་གི་ཕན་ཚུན་བསམ་བློ་རྗེས་རེས་བྱེད་པའི་བར་མཚམས་ནས་ཤུགས་ཀྱི་རྟོགས་འོང་བའི་གནད་དོན་ཞིག་གི་སྐོར་གླེང་ན།  བོད་པ་མི་རིགས་རྒྱ་ཆའི་དགུ་བཅུ་ཡས་མས་ཆོས་ལ་དད་པ་བྱེད་མི་རེད།  ཆོས་ལུགས་སྒེར་ངོའི་ནས་བོད་མི་རིགས་ལ་དམ་ཟབ་ཏུ་གནས་ཡོད་པའི་རིག་གནས་རིན་ཐང་ཅན་དུ་ཆགས་ཡོད།  བོད་ནང་ཁུལ་གྱི་དད་པའི་གོ་དོན་དང་གྲུབ་མཐའི་འཐེན་ཁྱེར་གྱི་ནད་གཞི་འདི་ངས་གོ་ཐོས་ཡིན་ན་རྒྱ་གར་དུ་ཡོད་པའི་བོད་པ་ཚོ་ཇེ་ཆེར་འགྲོ་བཞིན་ཡོད་པའི་སྣང་བ་སྦྱིན་སོང་།   འདི་ལ་མཚོན་ན་གཏན་ནས་དགའ་རྒྱུ་མེད་པའི་ནང་འགལ་ཞིག་རེད། ཆོས་ལུགས་རིག་གནས་ཀྱི་ཁ་དོག་གི་གོ་རིམ་འདི་རྩོད་དགོས་དོན་མེད་གི་བསམ།  ཆོས་ལུགས་རིག་གནས་ཀྱི་ཁ་དོག་ཅེས་སྐད་ཆ་གསར་བ་འདི་གོ་བ་ཅི་ལྟར་ལེན་དགོས་ཞེས་ན།  ཞྭ་དཀར་དམར་སེར་གསུམ་གྱི་མདོག་ལ་ལྟོས་ནས་བཤད་ཀྱིན་ཡོད།  ཆོས་པ་ཆོས་པའི་བར་གྱི་སྡང་སྐད་རེ་བཤད་ནས་ཉི་མ་རླགས་ན་བོད་ཀྱི་ཐུན་མིན་རིག་གཞུང་ཞིག་གི་དངོས་ཐད་ནས་ཐོན་པའི་ནག་ཅན་སྣ་འདྲེན་གྱི་མི་སྣ་སྐོར་ཞིག་ལ་གོ་དགོས།  ནུབ་ཕྱོགས་པའི་འཚོ་སློབ་བྱེད་སྟངས་སྐོར་ནས་ཅུང་བཤད་ན། བསམ་པའི་སློབ་གསོ་ནས་མི་ཆོས་ཀྱི་སློབ་གསོ་སོགས་གོ་རིམ་ངེས་ཅན་ཞིག་གི་ལམ་འཚོལ་ཏེ་རང་ཉིད་ནས་འགོ་རྩམ་པའི་སྙིང་སྟོབས་སྐྱེད་ན་མི་རིགས་ནང་འགལ་གྱི་བསམ་བློ་ཅི་ཡང་མེད་པར་འདྲ་མཉམ་དུ་ཆགས་ཡོང་། འུ་ཚོའི་ཆོས་ལུགས་ཀྱི་དངོས་དོན་དང་ལག་ལེན་བར་ཏུ་འགལ་བ་ཤིན་ཏུ་མང་གི་ཆོས་པ་འགའ་ཞིག་གིས་ཁ་བརྡ་ཙམ་གྱི་འཛམ་གླིང་ཞི་བདེ་སེམས་ཅན་འདྲ་མཉམ་བདེ་སྡུག་རོ་སྙོམས་སོགས་བཤད་ཀྱིན་ཡོད།   འོན་ཏེ་ལག་ལེན་ཁོ་ནའི་ཐོག་ཏུ་བབ་ཚེ། གྲུབ་མཐའི་མངའ་ཐང་།…

ཡུལ་ཁམས་གངས་ཀྱིས་བསྐོར་བའི་ཕ་ས་ནས།


  ཡུལ་ཁམས་གངས་ཀྱིས་བསྐོར་བའི་ཕ་ས་ནས། ། གང་བསམ་ལྷུན་འགྲུབ། འཚོ་སྔོན་བོད་ཡིག་ཟིན་བྲིས་ནས་བདམས།   ཡུལ་ཁམས་གངས་ཀྱིས་བསྐོར་བའི་ཕ་ས་ནས། ། ལོ་ངོ་བཅུ་ཕྲག་བསྡད་པའི་མཐོང་ཐོས་ལས། ། མྱོང་ཚོར་སེམས་ཀྱི་རི་མོའི་ན་ཟུག་ཅིག། དམར་པོ་སྙིང་གི་བར་ནས་ཧར་གྱིས་ཤོར། །   རིགས་ཞེན་སྟག་ཤར་ཕར་ཆེར་རང་དབང་གླེང་། ། མཁས་དབང་དཔྱོད་ལྡན་མང་པོས་གནས་ལུགས་འཚོལ།། སྨྱུག་ཐོགས་སྙན་ངག་པ་ཚོས་སྐྱིད་སྡུག་འབྲི། ། བོད་ཀྱི་ཡུལ་ན་བྲེལ་ཟིང་འཚུབ་ཆ་ལངས།…

རྨི་ལམ།


  རྨི་ལམ། རང་རྩོམ་གངས་རིའི་བརྩེ་དུང་ནས་དྲངས། བར་མཚམས་མེད་པར་མུན་ནག་གིས་གཡོགས་པའི་ལྷིང་འཇག་གི་ནམ་གུང་དུ། ཤིན་ཏུ་སྤྱང་གྲུང་དོད་པའི་སྒོ་ལྔའི་དབང་ཤེས་རྣམས་ལྐོག་ཏུ་གྱུར་ཏེ་རྣམ་རྟོག་གི་གོམས་པ་ཟ་ཟི་བའི་བདག་རྐྱེན་གྱིས་བསླངས་པའི་ཆེས་སྒྲོ་འདོགས་ལས་ཀྱང་སྒྲོ་འདོགས་པའི་ཡིད་ཤེས་ཤིག རྒྱུ་ཚོགས་འགའ་ཞིག་གྲངས་ཚང་སྟེ་མངོན་དུ་གྱུར་པའི་ཚེ་ན། མཐའ་ཡས་པའི་ཡུལ་ལྗོངས་དང༌། ཉམས་དགའི་གྲོང་ཁྱེར། གཞན་ཡང༌། གསེར་འོད་འཕྲོ་བའི་ཕོ་བྲང་དང༌། རིན་ཆེན་གྱི་དངོས་རྫས་གནོད་སྦྱིན་གྱི་བང་མཛོད་ལ་འགྲན་པ། དེར་མ་ཟད། ལྷ་དང་ཀླུའི་ཡིད་འོང་མ་སོགས་འཇིག་རྟེན་གྱི་དཔལ་ཐམས་ཅད་དུས་གཅིག་ཏུ་རང་ལ་ཐོབ་པའམ་འཐོབ་ཏུ་རུང་བའི་སྐབས་ཡོད་པ་སོགས་ཀྱི་འཆར་སྣང་ནི་གྲངས་ཀ་ཉུང་ཉུང་ཞིག་མིན། མིག་གི་བདུད་རྩི་དང༌། རྣ་བའི་བཅུད་ལེན། ཡིད་ཀྱི་འཐད་ཡུལ་འདི་དག་གིས་ཤིན་ཏུ་ཉམས་དགའ་ལ། རབ་ཏུ་ཡིད་སྤྲོ་ཞིང༌། ལུས་སེམས་བདེ་དགའ་ཀུན་ནས་རྒྱས་པའི་རྒྱུར་འགྱུར་བ་སྨོས་ཅི། སྐབས་དེ་དག་ཏུ་ཁྱོད་ཀྱིས་དེ་རྣམས་ལ་རང་དབང་དུ་ལོངས་སུ་སྤྱོད་མི་སྲིད་པ་མ་ཡིན་ལ། སྤྱོད་པའི་ཚེ་ཁྱོད་ཀྱི་ཚོར་བདེའང་རྨི་ལམ་མ་ཡིན་པའི་གནས་སྐབས་དང་ཕལ་ཆེར་འདྲ།…

འཇམ་དཔལ་དགྱེས་པའི་བཞད་སྒྲ།


  འཇམ་དཔལ་དགྱེས་པའི་བཞད་སྒྲ། བཀྲ་ཤིས་རྒྱལ་པོ། དམར་སེར་ལང་ཚོ་རྒྱས་པའི་འཇམ་དཔལ་བཞད།། ས་གསུམ་སྙན་པ་ཀུན་བསྡུས་དབྱངས་ཅན་གླུ།། འགྲོ་བ་ཀུན་ལ་བརྩེ་བའི་གཏེར་གྱི་འཛུམ།། འདི་གསུམ་སྙན་ངག་པ་ཡི་ལྷ་གསུམ་ཡིན།།   མཐོ་པོ་ལོངས་སྐུའི་འཇིག་རྟེན་ནས།། དམའ་བོ་ན་རག་དམྱལ་བའི་བར།། ཡོད་ཚད་སྨྱུག་གུས་མངའ་བསྒྱུར་བ།། སྙན་ངག་པ་ཡི་དབང་ཐང་རེད།།   དགྲ་ཡི་ཚིག་མཚོན་མི་སྐྲག་ཅིང་།། གཉེན་གྱི་བསྟོད་ཚིག་མི་རེ་བར།། རེ་དོགས་བྲལ་བའི་སེམས་པ་དེ།། སྙན་ངག་པ་ཡི་སྙིང་སྟོབས་རེད།།   དངོས་པོའི་གནས་ལུགས་བརྟགས་པའི་ཚེ།། བརྗོད་བྱ་རོ་མཉམ་བལྟ་བའི་བློ།།…

ཉིན་ཐོ་ཞིག


  ཉིན་ཐོ་ཞིག བལ་ཡུལ་རྒྱལ་ཁབ་ཀྱི་ཐོབ་ཤོར། ངས་སྙན་ངག་དུ་མ་ཞིག་གི་ལམ་ནས་རྒྱ་བོད་ཀྱི་སྙན་ངག་པ་མི་ཉུང་བ་ཞིག་མཇལ་མྱོང༌། དེར་བརྟེན། ངའི་སེམས་སུ་རང་ཉིད་སྙན་ངག་པ་ཞིག་ཡིན་པའི་ཚོར་བ་ཤིན་ཏུ་ཆུང་ལ། ངས་ད་ཕན་རང་ཉིད་སྙན་ངག་པ་ཞིག་ཡིན་པར་གླེང་མྱོང་མེད་ལ། སྙན་ངག་གི་བགྲོ་གླེང་ཁྲོད་དུ་སྙན་ངག་གི་འགྲན་རྩོད་ལ་དེ་བས་ཀྱང་ཞུགས་མ་མྱངས་མོད། འོན་ཀྱང་མི་མང་པོ་ཞིག་གིས་ང་ལ་སྙན་ངག་པའི་མིང་ནས་འབོད་ཀྱིན་འདུག་པ་མ་ཟད། རྩོམ་གྲོགས་མི་ཉུང་བ་ཞིག་གིས་ང་ལ་སྙན་ངག་འབྲི་བར་སྐུལ་མ་བྱེད་བཞིན་འདུག་པས་ངའི་སྨྱུག་ཁ་དེ་ཆེད་དུ་བཙུགས་དགོས་པ་བྱུང༌། འོན་ཀྱང་ངའི་ཚིག་འདི་དག་ནི་སྙན་ངག་ཏུ་ཕལ་ཆེར་འགྱུར་མི་སྲིད་ལ་དེ་ལྟར་འགྱུར་བའི་ཡིད་ཆེས་ཀྱང་མེད། ལྷུག་རྩོམ་ཞིག་གི་བརྗོད་བྱ་འཚོལ་ཏེ་བསམ་གཞིགས་ཆུང་ངུ་ཞིག་དང་བཅས་གྲྭ་ཤག་གི་ཕྱིར་ཐོན་དུས། ང་སྡོད་སའི་ཁོར་ཡུག་སྟེ། སྐྱ་ཐིང་ངེར་སྣང་ཡོང་བའི་ཐལ་མདོག་གིས་རྒྱ་གྲོང་དང་ཁོར་ཡུག་ཕལ་མོ་ཆེ་ཡོངས་སུ་བཀླུབས་ཤིང༌། རེ་བས་ཕོངས་པའི་མི་རྣམས་ཀྱི་མིག་ཟུངས་གྱེན་དུ་ལྟ་བཞིན་སྣང་རྒྱུ་ནི་ཕལ་ཆེར་འོད་སྣང་འཚེར་བའི་ཉི་འོད་ཉག་ཅིག་རེད། དེ་ནི་ཕྱོགས་དང་རིས་སུ་མ་ཆད་པས་མཐོ་དམན་དང་དྲག་ཞན་ཀུན་ལ་བྱམས་བརྩེའི་དྲོད་འཁོལ་ཡོངས་སུ་སྦྱིན་བཞིན་འདུག ཡར་ལྟ་དང་མར་ལྟ་ཐེངས་གཅིག་བྱས་དུས་ཤིན་ཏུ་མངོན་ཆེ་བ་ནི་ཀ་ཐ་མན་ཌུའི་ཐང་ཆེན་དཀྱིལ་གྱི་རྡོ་རིང་དེ་རེད། དེའི་ཁ་དོག་ནི་ཐལ་ཁ་ཡིན་ཞིང༌། དུས་རྟག་ཏུ་སྐྱ་ཧྲང་ངེར་སྣང་བ་ལས་ལྟ་སྡུག་གི་ཚོར་བ་གང་ཡང་མི་སྦྱིན་པས་འཚོ་བའི་ཁྲོད་དུ་རིན་ཐང་ཅི་ཡང་མེད། དུས་གཏན་དུ་མཐོང་ཡོང་རྒྱུ་ནི།…