མདུན་ངོས། » Tentra Religion

Tentra Religion

མ་རྒྱུད་ཡེ་ཤེས་ཐེག་ལེའི་རྩ་ཚིག་ངག་འཛིན་ཟུར་བཀོལ་བཞུགས།


    མ་རྒྱུད་ཡེ་ཤེས་ཐེག་ལེའི་རྩ་ཚིག་ངག་འཛིན་ཟུར་བཀོལ་བཞུགས། སྒོམ་གྲྭ་མཁན་པོ་ཚུལ་ཁྲིམས་བསྟན་འཛིན། ༄༅།། ཞང་ཞུང་སྐད་དུ། ཨུ་ཡེ་ཐ་ཙོན་མ་ཏྲ་ཤེ་རྐྱ་ཉི་རི་ཀུ་ཤུ་ཧ་སངས་ཀྱིན་ཏན་ཏྲ། བོད་སྐད་དུ།གསང་ཆེན་མཐར་ཐུག་མ་རྒྱུད་ཐུགས་རྗེ་ཉི་མ། གཞི་ཡེ་སངས་རྒྱས་པའི་རྒྱུད། སྟོན་པ་ཀུན་ཏུ་བཟང་པོ་མཁའ་འགྱིང་དཀར་པོ་གསང་བ་གསང་ཆེན་གསང་མཆོག་མཐར་ཐུག་ལ་ཕྱག་འཚལ་ལོ། དེ་ནས་ཡུམ་བཟང་ཟ་རིང་བཙུན་ལས་སོགས་ཏེ། ལྷ་མོ་སུམ་བརྒྱ་དྲུག་ཅུ། ཀླུ་མོ་བརྒྱད་ཁྲི་བཞི་སྟོང༌། སྨན་མོ་དགུ་ཁྲི་དགུ་འབུམ། མཁའ་འགྲོ་བྱེ་བ་ས་ཡ་ཡི་ཚོགས་ཀྱིས། ཨུ་དུ་འབར་བའི་མེ་ཏོག་ལས་སོགས་ཏེ། བླ་ན་མེད་པའི་མཆོད་པར་སྤྲིན་གྱི་རྒྱན་ཆེན་པོ་བཤམས་ནས། ཞུས་སམ་གསོལ་པ། སྟོན་པའི་ཐུགས་རྗེ་ཉི་མ་ལྟ་བུ་ཡིས། གདུལ་བྱ་ཚེ་གཅིག་སངས་རྒྱས་སྒྲུབ་རྣམས་ལ། གཞིའི་གྲུབ་མཐའ་བརླིང་པས་ལྟ་བ་མཐོ།…

ཆོས་རྗེ་རང་བྱུང་རྡོ་རྗེས་མཛད་པའི་རླུང་སེམས་གཉིས་མེད།


Download འདིར་སྣོན།

འབྲས་བུ་རྡོ་རྗེ་ཐེག་པའི་ས་ལམ་རྣམ་པར་གཞག་པ།


Dwonload འདིར་སྣོན། /xtras/ckeditor/filemanager/userfiles/Vajrayana_Salam.pdf

གཡུང་དྲུང་བོན་གྱི་སྔགས་བསྟན་སྔ་དར་དང་འབྲེལ་བའི་བརྒྱུད་རིམ་ངོས་འཛིན་སྐོར།


  གཡུང་དྲུང་བོན་གྱི་སྔགས་བསྟན་སྔ་དར་དང་འབྲེལ་བའི་བརྒྱུད་རིམ་ངོས་འཛིན་སྐོར། ཟིན་བདག་རང་ཉིད་ཀྱི་རྩོམ། ང་ཚོས་བོན་ལུགས་ཀྱི་ལྟ་ཚུལ་ཁག་ཅིག་ཕྱོགས་བསྡོམས་བྱས་ན། སྔར་བསྐལ་པ་ཡ་ཐོག་ཏུ་མང་བཀུར་རྒྱལ་པོ་བྱུང་སྟེ་ཆེས་ཐོག་མར་འཇིག་རྟེན་གྱི་རིག་བྱེད་དང་མུ་སྟེགས་སོགས་འཇིག་རྟེན་ཐུན་མོང་གི་བོན་བྱུང་བ་དང༌། དེ་དང་སྟབས་བསྟུན་རྒྱལ་བའི་ཕྲིན་ལས་ལ་བརྟེན་ནས་སྲིད་པ་རྒྱུད་ཀྱི་བོན་ཞེས་པ་རྒྱུ་ཡི་བོན་སྣ་ཚོགས་པས་ཕན་བདེ་བསྒྲུབས་པར་བྱས་པས་བསྟན་པའི་གཞི་ཆགས་པར་གྱུར། འོག་མིན་གྱི་གནས་སུ་བོན་སྐུས་བླ་མེད་ཀྱི་རྒྱུད་རྣམས་ཐུན་མིན་ཤིན་ཏུ་གསང་བ་བསམ་གྱིས་མི་ཁྱབ་པའི་དོན་གོ་བའི་གདུལ་བྱ་ཁོ་ནར་གསུངས་པ་དང༌། དེ་ནས་སུམ་ཅུ་རྩ་གསུམ་ལ་སོགས་ལྷ་ཡི་གནས་སུ་འཆི་མེད་ཡུམ་སྲས་གཤེན་གསུམ་གྱིས་སྤྱི་སྤུངས་སོགས་གསང་བ་སྔགས་ཀྱི་བོན་དེ་དག་གདུལ་བྱ་བློ་མཆོག་རྣམས་ལ་གསུངས་པ་ནི་ཕལ་ཆེར་འདོད་ཁམས་ཀྱི་གདུལ་བྱ་ལ་གསུངས་པ་ལྟ་བུར་ཡོད་དོ། ། དེ་ནས་མི་ཡུལ་དུ་སྟོན་པ་གཤེན་རབ་ཀྱིས་གསང་སྔགས་ཀྱི་བོན་མང་དུ་གསུངས་པ་ཡོད་ནའང༌། སྟོན་པ་གཤེན་རབ་ནི་ཡོངས་གྲགས་ཕྱི་རྒྱུད་མདོ་ཡི་སྟོན་པའི་ཚུལ་དུ་བྱོན་པར་སྟོན་པ་གཤེན་རབ་ཀྱི་རྣམ་ཐར་ཁག་ནས་གསལ་བ་ཡིན་ལ། ཕྱི་རྒྱུད་ཐམས་ཅད་སྤྲུལ་པའི་སྐུ་ལས་བརྒྱུད་ཅེས་པའི་དོན་ཡང་དེ་ཡིན་ནོ། །གཤེན་རབ་ཀྱིས་འདུལ་མངོན་མདོ་སྡེ་སོགས་གང་གསུངས་པ་དེ་དག་སྔགས་ཀྱི་ཆ་ལག་གི་ཚུལ་དུ་ཡོད་པས་མདོ་སྔགས་གཉིས་དོན་དུ་མི་འགལ་ལོ་ཞེས་བཞེད་པའང་ཡོད་དོ། །སྟོན་པ་གཤེན་རབ་སྐུ་གཤེགས་ནས་ལོ་ཉེར་བརྒྱད་ན་འོལ་གླིང་དུ་གསང་སྔགས་ཀྱི་བསྟན་པ་བྱུང་ཚུལ་བཤད་པ་ལྟར་ན་སྟོན་པ་ཞལ་བཞུགས་དུས་སུ་ཆེར་མེད་པར་སྣང་ངོ༌། ། བོད་དུ་སངས་རྒྱས་བསྟན་པ་སྤྱི་ཡི་དབང་དུ་བྱས་ན་སྔ་རབས་མཁས་པ་ཁ་ཅིག་གིས་མདོ་སྔགས་གཉིས་མེ་ཆུ་ལྟ་བུར་བཞེད་པ་བྱུང་བ་དེར་མཁས་པས་དགག་བཞག་མཐའ་ཡས་པ་བྱུང་ཡོད་དོ། །བོན་དཔེ་ཁག་ཅིག་ལས་བརྗོད་ཚུལ་འདྲ་མིན་གསལ་ཡང༌། བོན་གྱི་མཁས་མཆོག་མཉམ་མེད་ཤེས་རབ་རྒྱལ་མཚན་གྱིས་མདོ་སྔགས་ཟུང་འབྲེལ་གྱི་ལམ་སྲོལ་བརྟན་པོ་བཙུགས་ཡོད་པ་དེས་བོན་བསྟན་ལ་མདོ་སྔགས་ཟུང་འབྲེལ་གྱི་དཔེ་མཚོན་རང་བཞིན་གྱི་ཐབས་ཤེས་ཤིག་སྟོན་ཡོད་པ་གསལ་བར་བྱས་འདུག སྔ་དར་རྒྱུད་རིམ་སྐབས་སུ་རྒྱུ་འབྲས་ཀྱི་བོན་གཉིས་འགལ་མེད་དུ་སྤྱོད་ཚུལ་གསལ་བའི་དཔེ་ཁག་ཀྱང་མི་ཉུང་བ་ཡོད་པ་རེད། །ནུབ་ཕྱོགས་ཀྱི་ཞིབ་འཇུག་པ་རྣམས་ནས་བོད་བཙན་པོའི་སྐབས་སུ་བོན་ལ་མ་ལག་ཚང་བའི་གཞུང་ལུགས་མེད་པར་བརྗོད་མཁན་མང་དུ་ཡོད་པ་ནི་དེང་དུས་བོན་ལུགས་པ་རྣམས་ཀྱི་ཤོད་སྟངས་དང་མི་འདྲ་བ་ཡིན།…

མདོ་སྔགས་ཀྱི་སྒོམ་དོན་བསྡུས་པ་བཞུགས་སོ། །


  མདོ་སྔགས་ཀྱི་སྒོམ་དོན་བསྡུས་པ་བཞུགས་སོ། ། ཆོས་རྗེ་དྭགས་པོ་ལྷ་རྗེའི་གསུང་། ན་མོ་གུ་རུ། ངན་སོང་གསུམ་གྱི་སྡུག་བསྔལ་གྱིས་འཇིགས་ནས། སྐྱབས་སུ་སངས་རྒྱས་ཉག་གཅིག་ཡིན་པར་ཤེས་ཤིང་། སྲོག་གི་ཕྱིར་ཡང་སྐྱབས་འགྲོ་མི་གཏོང་བ་ནི། སྐྱེས་བུ་ཆུང་ངུའི་ཆོས་ཡིན་པས། དུས་རྟག་ཏུ་ངན་སོང་གསུམ་གྱི་སྡུག་བསྔལ་སོམས་ལ་སྐྱབས་འགྲོ་གྱིས། འཁོར་བ་མཐའ་དག་ལ་ཡིད་ཕྱུང་ནས། རང་ཐར་པ་མྱ་ངན་ལས་འདས་པ་ཐོབ་པར་འདོད་པས། མི་དགེ་བ་བཅུ་སྤོང་། དགེ་བ་བཅུ་སྒྲུབ་པ་ནི། སྐྱེས་བུ་འབྲིང་གི་ཆོས་ཡིན་པས། དུས་རྟག་ཏུ་འཁོར་བའི་སྡུག་བསྔལ་སོམས་ལ། མི་དགེ་བ་ཕྲ་མོ་ནས་སྤོངས། དགེ་བ་མཐའ་དག་དང་དུ་ལེན་པར་གྱིས། འཁོར་བའི་མ་རྣམས་ཀྱི་སྡུག་བསྔལ་མ་བཟོད་ནས་དེ་རྣམས་ཀྱི་དོན་དུ་བླ་ན་མེད་པའི་བྱང་ཆུབ་ཐོབ་པར་འདོད་པ་ནི། སྐྱེས་བུ་མཆོག་གི་ཆོས་ཡིན་པས།…

དེ་ཁོ་ན་ཉིད་ཀྱི་མན་ངག་རྩེ་མོ་དོ་ཧའི་གླུ་ཞེས་བྱ་བ་བཞུགས་སོ། །


  དེ་ཁོ་ན་ཉིད་ཀྱི་མན་ངག་རྩེ་མོ་དོ་ཧའི་གླུ་ཞེས་བྱ་བ་བཞུགས་སོ། ། གྲུབ་ཆེན་ས་ར་ཧ་པ། ༄༅། །རྒྱ་གར་སྐད་དུ། ཏཏྟྭ་ཨུ་པ་དེ་ཤ་ཤི་ཁ་ར་དོ་ཧ་གཱི་ཏི་ནཱ་མ། བོད་སྐད་དུ། དེ་ཁོ་ན་ཉིད་ཀྱི་མན་ངག་རྩེ་མོ་དོ་ཧའི་གླུ་ཞེས་བྱ་བ། འཕགས་པ་འཇམ་དཔལ་ལ་ཕྱག་འཚལ་ལོ། །མ་གཡོས་སྐུ་གསུང་ཐུགས་ཀྱི་རང་བཞིན་ལས། །རྡོ་རྗེ་རྩེ་མོ་ཅིག་ཅར་གླུར་བླངས་དོན། །གང་ཚེ་ལྷན་ཅིག་སྐྱེས་པ་དག །གོ་བ་དགུ་ཡིས་རྟོགས་པར་བྱ། །རྒྱུ་མཚན་གཞལ་བྱ་ལ་སོགས་མེད། །དངོས་པོ་རྣམས་ཀྱི་ཁོ་ན་ཉིད། །དགག་དང་སྒྲུབ་པ་མེད་པ་སྟེ། །དབྱེ་བ་ལ་སོགས་མེད་པར་བཤད། །མི་མཐུན་ཕྱོགས་དང་གཉེན་པོ་མེད། །འཆལ་བའི་ཚུལ་ཁྲིམས་སེར་སྣ་དང་།…

ཕྱག་ཆེན་གངྒ་མ།


རྗེ་བཙུན་ཏིལླི་པས་ནཱ་རོ་པ་ལ་གདམས་པའི་ཕྱག་ཆེན་གངྒ་མ་ཞེས་བྱ་བ་བཞུགས་སོ། །   ༄༅། །རྒྱ་གར་སྐད་དུ། མ་ཧཱ་མུ་དྲཱ་ཨུ་པ་དེ་ཤཾ། བོད་སྐད་དུ། ཕྱག་རྒྱ་ཆེན་པོའི་མན་ངག །དཔལ་ལྡན་ལྷན་ཅིག་སྐྱེས་པ་ལ་ཕྱག་འཚལ་ལོ། །ཕྱག་རྒྱ་ཆེན་པོ་བསྟན་དུ་མེད་གྱུར་ཀྱང་། །དཀའ་བ་སྤྱད་ཅིང་བླ་མ་ལ་གུས་པས། །སྡུག་བསྔལ་བཟོད་ལྡན་བློ་ལྡན་ནཱ་རོ་པ། །སྐལ་ལྡན་ཁྱོད་ཀྱི་སྙིང་ལ་འདི་ལྟར་བྱོས། །ཀྱེ་ཧོ་འཇིག་རྟེན་ཆོས་ལ་ལེགས་ལྟོས་དང་། །རྟག་མི་ཐུབ་སྟེ་རྨི་ལམ་སྒྱུ་མ་འདྲ། །རྨི་ལམ་སྒྱུ་མ་དོན་ལ་ཡོད་མ་ཡིན། །དེས་ན་སྐྱོ་བསྐྱེད་འཇིག་རྟེན་བྱ་བ་ཐོངས། །འཁོར་གཡོག་ཆགས་སྡང་ཉེ་འབྲེལ་ཀུན་སྤངས་ལ། །གཅིག་པུ་ནགས་འདབ་རི་ཁྲོད་དགོན་པར་བསྒོམ། །བསྒོམ་དུ་མེད་པའི་ངང་ལ་གནས་པར་གྱིས།…