མདུན་ངོས། » གལ་ཆེའི་གསུང་བཏུས་ཐོར་བུ།

གལ་ཆེའི་གསུང་བཏུས་ཐོར་བུ།

 

རག་ཤི་རྟོགས་ལྡན་རིན་པོ་ཆེ་མཆོག་གི་ཞལ་གདམས།
ཀུན་ཀ་ཕ་མའི་རང་བཞིན། ། བྱམས་སྐྱོང་སྙིང་རྗེ་བྱེད་ནས། །
གཞན་ཕན་དྲིན་ལན་འཇལ་ཞིང༌། ། རང་ཉིད་བདེ་སྡུག་ཇི་ཡོང༌། །
གཞན་དག་དེ་ལྟར་ཡོང་ཞིང༌། ། རང་དཔེ་གཞན་བླངས་བྱེད་དགོས། །
གཞན་གནོད་ཏིལ་ཙམ་མ་བྱེད། ། ཅི་ཕན་དེ་ཕན་བསྒྲུབ་དགོས། །
འབྲས་བུ་ཆུ་ཟོས་མི་འགྲོ། ། ལས་འབྲས་རང་ལ་འབྱུང་ངོ༌། །
སྔོན་མ་གཞན་གནོད་བྱས་ཚད། ། ཕྱི་མ་སྡུག་བསྔལ་རང་བཞིན། །
སྔ་མ་གཞན་ཕན་བྱས་ཚད། ། ཕྱི་མ་བེད་བ་རང་སྨིན། །
དགེ་སྡིག་དཀར་ནག་ནོར་ན། ། བདེ་བ་སྡུག་སྔལབརྗེས་ཚར། །
རྒྱུ་འབྲས་བདེ་སྡུག་གདམ་ཁ། ། རང་དབང་ཆེ་དུས་ཐེག་དགོས། །
སྡིག་བཅུ་དུག་ལྟར་སྤང་ཞིང༌། ། དགེ་བཅུ་དང་ལེན་བྱེད་དགོས། །
ཁམས་གསུམ་འཁོར་བའི་ཉེས་དམིཌ། ། གར་སྐྱེས་སྡུག་སྔལ་འཁོར་ཡུག །
དམྱལ་བ་ཚ་གྲང་སྡུག་བསྔལ། ། ཡིད་དགས་བཀྲེས་སྐོམ་སྡུག་བསྔལ། །

བྱོལ་སོང་ཀླན་ལྐུག་སྡུག་སྔལ། ། མི་ལ་བྲེལ་ཕོངས་སྡུག་སྔལ། །

ལྷ་མིན་འཐབ་རྩོད་སྡུག་སྔལ། ། ལྷ་ལ་ཕམ་ལྟུང་སྡུག་སྔལ། །
བར་དོ་སྟོང་ཞེན་སྡུག་སྔལ། ། སྡུག་སྔལ་ཡ་བཞི་ཟུང་བརྒྱད། །
སྟོབས་ཚེ་བཟོད་གླགས་མེད་པ། ། ཡུན་ཚད་ཟད་རྒྱུ་མེད་པ། །
ཐམས་ཅད་སྡུག་སྔལ་རང་བཞིན། ། ཀུན་ཀ་སྡུག་སྔལ་འབའ་ཞིག །
དཔེར་ན། རྒྱ་མཚོ་ཆེན་པོའི་ནང་ན ། སྐམ་པ་ལག་མཐིལ་མེད་པ། །
འཁོར་བ་སྡུག་སྔལ་རྒྱ་མཚོ། ། བེད་བ་སྐད་ཅིག་མེད་དོ། །
ཁམས་གསུམ་བཙོན་རའི་ཞིང་འདིར། །འགྲོ་ཀུན་བཙོན་བུ་ཐར་ཐབས། །
ར་མདའ་དཀོན་མཆོག་སྦྲན་ནས། ། དགེ་སྦྱོར་རྩ་བ་ཟིན་དགོས། །