དུས་རབས་ཀྱི་ར་བཟི་བ་ཁྱུ་ཞིག ཟིན་བདག་རང་གི་དེབ་༼གངས་རིའི་བརྩེ་དུང་ལས་བཏུས༽   གོ་ལའི་ཤར་ཕྱོགས་ཀྱི་གྲུ་ཟུར་ཞིག་ན། དྲན་པ་དང་བསམ་བློའི་འཕེལ་འགྱུར་ལ་བརྒྱུད་མ་མྱོང་བའི་མི་རིགས་སྐོར་ཞིག ཁྱོད་ཀྱི་བསམ་བློ་ལ་སྐུལ་འདེད་གཏོང་མཁན་མ་བྱུང་བ་ཞིག་མ་ཡིན་ལ། ཁྱོད་ཀྱི་མདུན་ལམ་ལ་གྱོང་གུན་ཐེབས་མ་མྱོང་བ་ཞིག་དེ་བས་ཀྱང་ག་ལ། ཁྱོད་ཀྱི་ཚེ་སྲོག་ལ་ཉམ་ཉེས་མ་ཤོར་བ་ཞིག་དང༌། ཁྱོད་ནི་གཞན་འོག་ཏུ་དཀའ་སྡུག་མ་མྱོང་བ་ཞིག་གཏན་ནས་མིན་མོད། འོན་ཀྱང༌། དེ་ནི། ཁྱོད་ཀྱིས་སྔ་མོ་ནས་མིད་ཚར་བ་མ་ཡིན་ནམ། དེ་ནི། དྲན་པ་སོས་མི་ཐུབ་ཅིང༌། དེ་ནི། རྨི་ལམ་དུའང་འཆར་མི་ཐུབ་ལ། དེ་ནི། དྲན་དགོས་པ་ཞིག་ཀྱང་མ་ཡིན་པ་འདྲ། ཡིན་ན་ཡང༌། ཁྱོད་ལ་ཁག་མེད་པ་ཞིག་ཡོད་པ་ནི། ཁྱོད་ཀྱི་ལག་ཏུ་མྱོས་ཆུ་ཕྱེད་ཀ་ཙམ་མཆིས་པའི་དམ་བི་ཞིག་འཆང་ཡོད་ལ།…