སྒྲ་དབྱངས་ལྷ་མོ་དབྱངས་ཅན་མ་ལ་བསྟོད་པ། ཨོཾ་བདེ་ལེགས་སུ་གྱུར་ཅིག །སྒྲ་དབྱངས་ལྷ་མོ་དབྱངས་ཅན་མ་ལ་ཕྱག་འཚལ་ལོ། །མར་གད་ཞུ་བ་འཁྱིལ་འདྲའི་མཚོ་འགྲམ་དུ། །བསིལ་ཟེར་བྱེད་པའི་སྟེང་ན་ཀེ་ལ་ཤའི། །མདངས་ཀྱིས་རབ་མཛེས་ཙོག་པུའི་ཚུལ་གྱིས་འགྱིང༌། །རྒྱུད་མངས་སྔོན་པོའི་སྒྲ་ཡིས་རོལ་དེར་འདུད། །ཐོར་ཚུགས་མེ་ཏོག་དཀར་པོའི་ཕྲེང་བ་ཡིས། །མཛེས་པར་བྱས་པའི་རྩེ་མོར་ཟླ་བས་སྤུད། །མཐོན་མཐིང་དབུ་སྐྲའི་ཟར་བུས་སྐུ་སྟོད་ཁེབས། །ཚངས་པའི་བུ་མོ་གཞན་ཡིད་འཕྲོག་མ་ཁྱོད། །ལྷ་ཡི་ལམ་ལ་རྒྱུ་སྐར་བདག་པོའམ། །པདྨོའི་མཚོ་ལ་ངང་མོ་རྩེན་པ་བཞིན། །རབ་ཡངས་རྙོག་བྲལ་སེམས་ཀྱི་དགའ་ཚལ་དེར། །རིང་དུ་གནས་ཏེ་སྤོབས་པ་མཆོག་སྩོལ་མཛོད། །ས་འཛིན་དཀར་པོའི་རྩེ་ལ་སྟོན་དུས་ཀྱི། །སྤྲིན་བྲལ་མཚན་མོའི་ཟླ་འོད་ལྷུང་བ་ལྟར། །གསལ་མཛེས་ཆེས་དཀར་ལྟ་བས་མི་ངོམས་པའི། །ཁྱོད་སྐུ་འོ་མའི་རྒྱ་མཚོ་མཐོང་བའི་ཚེ།…

བླ་ན་མེད་པའི་རིན་པོ་ཆེ་གསུམ་གྱི་གཏམ་གྱི་སྦྱོར་བ་བཞུགས་སོ།།   ཨོཾ་བདེ་ལེགས་སུ་གྱུར་ཅིག །བླ་ན་མེད་པའི་རིན་པོ་ཆེ་གསུམ་གྱི་གཏམ་གྱི་སྦྱོར་བ་ཞེས་བྱ་བ། རྗེ་བཙུན་བླ་མ་འཇམ་པའི་དབྱངས་ཀྱི་ཞབས་ཀྱི་པདྨོ་ལ་གུས་པས་སྐྱབས་སུ་མཆིའོ། །རབ་བརྟན་དད་པས་རྒྱལ་བའི་རྗེས་འཇུག་ཅིང༌། །མངོན་པར་སྦྱོར་བ་མི་དམན་རྣམ་དཔྱོད་ཀྱིས། །ཐུབ་པའི་གསུང་ལས་སྙིང་པོ་ལེན་འདོད་ལ། །རིན་ཆེན་གཏམ་གྱི་སྦྱོར་བ་སྒྲོག་འདོད་པས། །གང་གི་ཐུགས་རྗེའི་གཟེགས་མའི་ཆ་ཤས་ཙམ། །ཡིད་ལ་ཞུགས་པ་ཡིས་ཀྱང་རྩོལ་མེད་པར། །ཚིག་གི་མཆོག་སྦྱིན་སྟེར་མཛད་འཇམ་པའི་དབྱངས། །དེ་ལ་འདུད་དོ་རེ་བ་འབྲས་ལྡན་མཛོད། །སྲིད་པའི་ཕུན་ཚོགས་གཡོ་བ་གློག་གི་གར། །ལང་ཚོ་མི་སྡོད་རྒྱུག་པའི་རི་གཟར་ཆུ། །དེ་ལྟར་རྟོགས་ནས་བློ་གྲོས་ཚན་པོ་འགས། །བདག་གིས་རིག་གནས་གང་ལ་སྦྱངས་སྙམ་ན། །རིགས་ལམ་ཕྲ་མོ་ཕྱེད་པའི་རྣམ་དཔྱོད་དང༌། །གཞུང་ལུགས་གདམས་པར་ཤར་བའི་ཉམས་ལེན་དང༌། །ཚིག་སྦྱོར་ཚུལ་ལ་མཁས་པའི་ངག་གི་དཔལ།…

སྐབས་གསུམ་པ་བཞུགས་སོ། །   ན་མཿ ཤྲཱི་གུ་རུ་མཉྫུ་གྷོ་ཥཱ་ཡ། སྐབས་གསུམ་པ་དང་དབང་པོའི་དགྲ། །དྲི་ཟ་གདེངས་ཅན་གྲུབ་པའི་གཙོ། །ཀུན་གྱི་གཙུག་རྒྱན་ནོར་བུ་ཡིས། །གང་གི་ཞབས་པད་མཛེས་བྱས་པ། །གསེར་འོད་འཁྱུག་པའི་དཔལ་གྱིས་བརྗིད་པའི་སྐུ། །དྲི་ཟའི་དབྱངས་ཀྱིས་བསྒྲུན་དུ་མེད་པའི་གསུང། །ཉི་མ་བྱེ་བའི་མདངས་ལས་གསལ་བའི་ཐུགས། །མཐའ་ཡས་འགྲོ་བའི་འདྲེན་མཆོག་ཤཱཀྱའི་ཏོག །དག་པའི་མཁའ་ལ་ཤར་བའི་གཟའ་སྐར་རྣམས། །ཆུ་གཏེར་དབུས་ན་ཡོངས་སུ་གསལ་བ་བཞིན། །དང་བའི་ཡིད་མཚོར་ཁྱོད་ཀྱི་ཡོན་ཏན་གྱི། །གཟུགས་བརྙན་མ་འདྲེས་གསལ་བར་རབ་བཀོད་ནས། །ཟླ་ཟེར་ཕོག་པའི་ཆུ་སྐྱེས་གཞོན་ནུ་བཞིན། །ལག་པའི་སོར་མོ་སྙིང་གའི་ངེས་སུ་ཟུམ། །རྩེ་གཅིག་ཡིད་ཀྱིས་ཁྱོད་སྐུར་མངོན་ཕྱོགས་ཏ།…

ཤེས་རབ་ལྷ་མཆོག་སྨྲ་བའི་སེང་གེའི་མཆོད་བསྟོད་ཨུདྤལ་ལའི་འཕྲེང་བ་བཞུགས། མཉམ་མེད་ཤེས་རབ་རྒྱལ་མཚན།   ཨེ་མ་ཧོ། །ཀུན་སྐྱོབས་མཐུ་ལྡན་བློ་གྲོས་གཏེར་འཛིན་སྨྲ་བའི་སེང་གེ་ཐུགས་རྗེ་ཅན། །མཚན་དཔེ་རབ་རྫོགས་གུར་གུམ་མདོག་དམར་ཞལ་གཅིག་ཕྱག་གཉིས་འཛུམ་མདངས་ལྡན། །སྟོང་གསུམ་ཀུན་གྲགས་སྒྲ་རྒྱལ་འབྲུག་གི་ཁྲི་ལ་རོལ་པའི་འགྱིང་བག་ཅན། །འཕྲུལ་ཆེན་ཡི་གེ་བཞི་བཅུས་རབ་སྤྲས་བཀྲ་གསལ་ན་བཟའ་ལེགས་པར་བགོས། །རྒྱུད་ལུང་མན་ངག་སྡེ་སྣོད་ཀུན་འབྱུང་གཏོ་ཡི་བཀའ་སྒྲོམ་རབ་ཏུ་འགེལ། །ཕྱག་གཡས་སྔོན་དམར་ཤེས་རབ་རལ་གྲིས་འཁྲུལ་རྟོག་བདག་འཛིན་རྩད་ནས་གཅོད། །གཡོན་པས་གསལ་བའི་སྒྲོན་མེས་འགྲོ་བ་མ་རིག་བློ་མུན་སེལ་བར་མཛད། །གཡས་གཡོན་ཕྲག་གཉིས་འབར་བའི་ཉི་ཟླ་ཐབས་ཤེས་ཟུང་འབྲེལ་ཚུལ་དུ་བརྗིད། །གཡུ་ཡི་ཟུར་ཕུད་རིགས་ཀྱི་རྟགས་སོགས་ཞི་རྒྱན་མཛེས་པའི་རྒྱན་གྱིས་བརྒྱན། །ལེགས་པ་ཀུན་འབྱུང་རྒྱལ་དང་རྒྱལ་སྲས་ཐམས་ཅད་འདུས་པའི་ངོ་བོ་ཉིད། །མཐའ་རིང་འཁོར་བའི་རྒྱ་མཚོ་འདི་ལས་ཉེ་བར་སྒྲོལ་མཛད་ཕྲིན་ལས་ཅན། །ལུས་ངག་ཡིད་གསུམ་སྒོ་ནས་དྭངས་བས་ཁྱེད་ལ་རབ་ཏུ་ཕྱག་བགྱིས་པས། །མི་ཕམ་རྒྱལ་མཛད་དགྱེས་པའི་ཞབས་པད་བདག་གི་སྤྱི་བོར་མྱུར་དུ་ཞོག །དམ་པར་སྨད་པའི་ལས་རྣམས་གང་བགྱིས་སྤྱན་སྔར་བཤགས་སོ་བཟོད་པར་གསོལ། །ཕུན་ཚོགས་ལྡན་ཀྱང་དངོས་འབྱོར་ཡིད་སྤྲུལ་མཆོད་ཚོགས་འབུལ་ལོ་ཐུགས་རྗེ་བཞེས། །ཉིན་མཚན་ཀུན་ཏུ་འདུན་པས་བསམ་ཀྱང་ད་རུང་ཁྱེད་ཀྱི་ཐུགས་རྗེའི་ཤུགས།…

བཅོམ་ལྡན་འདས་རྗེ་བཙུན་བཞད་པའི་རྡོ་རྗེ་ལ་བསྟོད་པའི་ཚིགས་སུ་བཅད་པ། ཞང་ཞུང་ཆོས་དབང་གྲགས་པ། བཅོམ་ལྡན་གསུང་གི་དབང་ཕྱུག་ལ་ཕྱག་འཚལ་ལོ།   །གྲུབ་པའི་དབང་ཕྱུག་ཁྱོད་མཚན་དབྱར་སྐྱེས་རྔ།   །ཐོས་པས་རབ་དགས་མྱོས་པའི་གཙུག་ཕུད་ཅན།   །དད་པའི་སྤུ་ལོང་ཆེས་ཆེར་གཡོས་པ་ཡིས།   །བསྟོད་ཚིག་ཟློས་གར་འཇོ་སྒེག་རོལ་བ་འཛིན།   །མགོན་ཁྱོད་གངས་རིའི་ཁྲོད་དུ་ཚེ་གཅིག་ལ།  །མངོན་པར་སངས་རྒྱས་དེའི་ཚེ་བོད་ཀྱི་ཡུལ།   །འདི་ན་ས་ལ་གནས་པའི་འོག་མིན་ཞེས།   །ཞིང་གཞན་དག་ལ་གུས་པ་ལྷོད་པར་གྱུར།   །གྲངས་རིང་བགྲོད་དཀའ་གྲགས་ལྡན་སངས་རྒྱས་ལམ།   །ཁྱབ་འཇུག་ཁྱོད་ནི་གོམ་པ་གཅིག་གིས་ནི།   །བགྲོད་ཚེ་ཐུབ་བསྟན་སྟོབས་ལྡན་ས་འོག་ཏུ།   །ཞུགས་པར་དོགས་ནས་རྒྱལ་རྣམས་སྐྲག་པ་འཛིན།   །འཕོང་སྐྱེན་དགའ་བྱེད་མདའ་ཡིས་འབོད་སྒྲོགས་ཀྱི།   །རི་དྭགས་མཆོག་འདི་གཟུང་བར་མ་ནུས་ཏེ།   །ཁྱོད་ཀྱི་སྙིང་སྟོབས་མཚོན་ཆས་ཉོན་མོངས་ཀྱི།   །དགྲ་སྡེ་སྐད་ཅིག་གཅིག་ལ་ཐལ་བར་བརླགས།   །བློ་གྲོས་བཻཌཱུར་དཀར་པོའི་བུམ་བཟང་གིས།  …

  དཔལ་ལྡན་བླ་མ་དམ་པ་ལ་བསྟོད་པའི་ཚིགས་སུ་བཅད་པ་ཚངས་པའི་དབྱངས།   མཁས་གྲུབ་དགེ་ལེགས་དཔལ་བཟང་། རྗེ་བཙུན་བླ་མ་འཇམ་པའི་དབྱངས་ཀྱི་ཞབས་ལ་ཕྱག་འཚལ་ལོ། ། དཔལ་ལྡན་ཡོན་ཏན་ཚོགས་ཀྱི་བྱེད་པོ་ཡིས། ། མི་འཇིགས་སེང་གེའི་ཁྲི་ལ་དབང་བསྐུར་བ། ། རྒྱལ་བ་གཉིས་པའི་རྒྱལ་ཚབ་ཆོས་ཀྱི་རྗེ། ། མི་ཕམ་བླ་མ་གཉིས་པ་རྒྱལ་གྱུར་ཅིག ། ཁྱོད་ནི་རྣམ་དཔྱོད་ལུས་མཛེས་ཤིང༌། ། དར་དིར་ལེགས་བཤད་མགྲིན་པ་དབྱངས། ། མ་ལུས་མཁས་པའི་ཡིད་འཕྲོག་པ། །…

  རྗེ་བཙུན་བླ་མ་མཁས་གྲུབ་ཆེན་པོ་ལ་རབ་བསྔགས་ཀྱི་སྡེབ་སྦྱོར་གྱི་སྒོ་ནས་ཆེད་དུ་བརྗོད་པ།   ཞང་ཞུང་པ་ཆོས་དབང་གྲགས་པ། བཅོམ་ལྡན་འདས་ངག་གི་དབང་བོ་ལ་ཕྱག་འཚལ་ལོ།། དཔལ་ལྡན་ལྗགས་ཀྱི་ལི་ཁྲིའི་རྡུལ་ལས་ལང་ཚོ་ཐོབ་པའི་མཁས་མང་ལུས་ཅན་མཁའ་ཡི་གོས་བཟང་ཀུན་གསལ་གདོང་ལ་སྨུག་རྩིའི་ཆུ་རིས་བྱེ་བ་བརྒྱ་འགོས་ཀུན་ཕན་ཁུར་གྱིས་རྣམ་པར་ངལ་བའི་སྙིང་རྗེའི་སྒྲ་དབྱངས་གསང་མཐོར་སྒྲོགས་པའི་སྲིད་པའི་རྩེ་མོ་རོལ་མོའི་དཔལ་བགྱིད་ཆོས་སྡོམ་རྣམ་བཞིའི་དབྱངས་ཀྱི་ང་རོ་གད་མོ་ཆེར་སྒྲོགས་ལུས་ཅན་ཀུན་གྱི་འོན་པའི་གོ་སྐབས་སྲིད་པའི་བློ་དང་ལྷན་ཅིག་འཕྲོག་བྱེད་རྒྱལ་བ་མཐའ་དག་དྲུག་ཅུའི་གསུང་སྙན་གཅིག་ཏུ་གྱུར་གང་གླུ་སྙན་འདི་ལ་རོ་གཅིག་ཞུགས་པ་སྲིད་པའི་མཐའ་མར་རྒྱུན་ཆགས་མེད་འདིས་རྣམ་པར་འབྲེལ་བའི་ཚིག་མདའི་བུ་རྣམས་འདོད་དོན་གར་གྱི་རོལ་རྩེད་བརྗོད་བྱེད་ཨེ་མ་འདི་ལ་སུ་ཡིས་འགོངས།།ཞབས་འཐིལ་རྩིབས་སྟོང་འཁོར་ལོའི་བེར་གྱིས་སྐལ་བཟང་འབྱུང་བོའི་ཡུམ་གྱི་ལྟོ་བར་དགེ་མཚན་རི་མོ་གསར་དུ་འཕོ་བྱེད་ཁྱབ་འཇུག་ལག་པའི་ཕུན་ཚོགས་དཔལ་ནི་རྒྱ་མཚོའི་གོས་བཟང་ལྡན་བྱེད་ས་སྟེང་བགྲོད་རྣམས་མཐར་དག་འཁོར་ལོའི་བདག་པོར་བྱེད་མཁས་མ་རུང་རྩོད་པའི་དུས་ལ་སྡང་བ་རྫོགས་ལྡན་བཻཊྰུ་རྱ་དཀར་བོའི་ཆུ་ཁུར་བ་འདི་འདོད་དགུའི་ཆུ་ཡི་ཁོངས་བྱེད་རེ་བ་ཚིམ་འདོད་འདྲེན་བྱེད་ཡིད་འོང་ཁྱོན་དུ་ཕྱོགས་པའི་འདབ་བརྒྱའི་འདབ་མའི་རྩེ་གཅིག་འབྲུ་ཚུགས་ངེས་པར་འཛིན་བྱེད་གོས་བྲལ་སྙིང་རྗེ་པད་མའི་གེ་སར་རྩེ་ལ་དང་བ་རྒྱས་པའི་མིག་ཆུའི་ཟིལ་བ་རྣམ་པར་ཐོར་བའི་ཟེགས་མ་སྟོང་སྤྲོ་ཁྱེད་ལ་མཆོད་ཡོན་སྦྱིན་པའི་དགའ་བས་འགྲོ་འདི་བདེ།།མཆོད་སྦྱིན་བརྒྱ་བའི་མགོ་སྐྱེས་ཕྲེང་བ་ཏེེ་ལ་ཀ་ཡི་སྐྲ་ཚོགས་རབ་རྒྱས་ལན་བུ་དོག་པ་དོ་ཀེར་དང་བྲལ་ཞབས་ཟུང་འདབ་གཤོག་སོར་གྱི་སྒྲོ་ལྡན་རྣམ་པར་རོལ་བའི་རྐང་སྟེགས་མཆོག་གང་བདེ་སོགས་བདག་པོའི་ཕྱག་གི་ཆུ་སྐྱེས་ཁྱོད་ཡོན་སྙིང་སྟོབས་དྲི་ལེན་གྱིས་འདར་རིན་ཆེན་རྒྱན་གྱི་དཔྱིད་ཀྱིས་ངལ་བའི་ཟོལ་གྱིས་འདེགས་ཤིང་གཡོ་བའི་རྫུ་ལ་རྣམ་པར་བརྟེན་བྱས་ཞབས་སེན་ཟླ་བ་གསར་བའི་འོད་ཀྱི་ལག་སོར་འདབ་མ་ཀུན་དུ་ཟུམ་པས་ནུས་ལྡན་སྤྱི་བོར་ཐོར་ཅོག་བགྱིད་འདྲ་མགོ་འཛིན་དམའ་བའི་མཆུ་སྒྲོས་འདབ་མ་ཟུར་མིག་དང་འགྲོགས་སྙན་གོང་ཨུཏྤལ་གདེངས་ཀའི་རྒྱན་ལ་མཆོད་པའི་དོན་སླད་བསྐུལ་བ་ལྷུར་ལེན་གཙང་མ་རིགས་ཀྱི་ལྷ་ལ་ཡང་།།དགེ་ལེགས་མཁྱེན་རབ་ཆུ་ཡི་གཏེར་ཆེན་བདུན་དང་མུ་སྟེགས་ཕས་ཀྱི་རྒོལ་བའི་ཀ་ལན་དྷ་ཀ་འདབ་གཤོག་ཟུང་འདར་ལྟ་བ་ཉམས་བྱེད་དྲི་མེད་རིས་ཚུལ་རྦ་རླབས་ཕྲེང་བ་ནམ་མཁར་འཕྱོ་ཞིང་དཔལ་ལྡན་སྐལ་བཟང་ཙ་ཏ་ཀ་ཡི་བུ་མོའི་ཚོགས་ལ་སིམ་པ་ཉེར་སྟེར་རྣམ་དག་ལྷག་བསམ་དབུ་བའི་དྲ་བས་རྒྱ་ཆེར་གཡོག་པས་ཕྱོགས་ཀྱི་གདོང་བ་ཀོོ་རུའི་མདོག་གིས་ལྷམ་མེར་མཛེས་བགྱིད་ཆ་ཤས་བདག་པོའི་བཞིན་བཟང་ལ་ནི་སུ་ཡང་ནམ་དུའང་གུས་པ་དམན་གྱུར་མདོ་དང་རྒྱུད་སྡེའི་ཟབ་དོན་སྟོང་གི་ཀོོ་རུ་དང་མར་གད་འབར་བས་ཁྱོད་ཞབས་གྲུ་གཟུངས་(གཟིངས)བསྟེན་པ་རྣམས་ལ་ནམ་ཡང་རྒུད་པའི་གོ་སྐབས་འཕྲོག་མཛད་དེ་ལ་ཕྱག་འཚལ་གྲོལ་བར་བྱེད།། སྐྱེས་དང་སྐྱེ་བར་བླ་མའི་ཞབས་པད་ལ།།གུས་ཤིང་ལང་ཚོ་མང་དུ་ཐོས་པས་བརྒྱན།།སྤོབས་པའི་གཞུ་ལས་མངོན་སྦྱོར་ཉག་ཕྲན་ཚོགས།། འཕེན་མཁས་སྙན་དངགས་དབང་བོར་བདག་གྱུར་ཅིག། ཅེས་བྱ་བ་ནི་ཡུལ་བྱང་ཕྱོགས་ཀྱི་རྒྱུད་དུ་བྱུང་བ། ཐ་སྙད་ཀྱི་གཙུག་ལག་མ་ལུས་པ་ལ་བློ་གྲོས་ཀྱི་སྣང་བ་ཉེ་བར་ཐོབ་པ་ཞང་ཞུང་ཆོས་དབང་གྲགས་པའི་དཔལ་གྱིས་འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་དུ་ཉེ་བར་སྦྱར་བའོ།།

    བཤེས་གཉེན་སྦ་བ་ལ་གདམས་པ་བྱ་དཀའ་བ་ཨའི་དབྱངས་ལ་ངེས་པ། རྗེ་ཙོང་ཁ་བ་བློ་བཟང་གྲགས་པ། ༄༅།།ཡང་དག་ལམ་ལ་རབ་གནས་པ།  །ལས་ངན་བག་ཆགས་ཐམས་ཅད་སྤངས།  །གཞན་ཕན་ཐབས་མང་རབ་མངའ་བ།  །དག་པ་སར་གནས་འཇམ་དཔལ་དང༌།  །གཞན་ཡང་འཕགས་པ་ཐམས་ཅད་ལ།  །ལྷག་བསམ་དག་པས་རབ་དད་ནས། །ཟབ་ལམ་མན་ངག་དམ་པ་འཆད། །ལྷག་པར་དགའ་བས་མཉན་པར་འཚལ།  །ལས་ངན་བག་ཆགས་བསགས་པ་ལས། །མངལ་དང་གཞན་ཡང་གནས་ངན་འགར། །རང་དབང་སྤངས་ནས་བཙལ་བ་དང༌། །རྣམ་མང་ན་ཚས་ཡང་ཡང་མནར། །རྒས་པས་ཡན་ལག་ཉམས་དང་འདར། །རྐང་ལག་ཞ་དང་མདངས་ངན་པ། །ཐམས་ཅད་ལས་ངན་དབང་ལས་ལགས། །ལས་ངན་ཆགས་སྡང་མ་སྤངས་ན།…