ལང་ཚོའི་རྦབ་ཆུ། དོན་གྲུབ་རྒྱལ། སྔོ་ཞིང་བསངས་པའི་ནམ་མཁའ། དྲོ་ཞིང་འཇམ་པའི་ཉི་འོད། ཡངས་ཤིང་ཆེ་བའི་ས་གཞི། མཛེས་ཤིང་སྡུག་པའི་མེ་ཏོག མཐོ་ཞིང་བརྗིད་པའི་ལྷུན་པོ།   ཨེ་མ། དེ་ལས་ཀྱང་ཉམས་དགའ་བ་ནི། མདུན་ཕྱོགས་ཀྱི་བྲག་ངོས་གཟར་བོ་ན། ཆིལ་ཆིལ་དུ་འབབ་པའི་རྦབ་ཆུ་རེད། ལྟོས་དང་། ལྦུ་བའི་རླབས་ཕྲེང་དཀར་ཞིང་དྲི་མ་མེད་ལ། འོད་ཀྱི་ཐེག་ལེ་ནི་རྨ་བྱའི་སྒྲོ་མདོངས། ནེ་ཙོའི་སྒྲོ་ཐུལ། ཟ་འོག་རི་མོ། དབང་པོའི་གཞུ་རིས།   ཉོན་དང་།…

བཅོམ་ལྡན་འདས་རྗེ་བཙུན་བཞད་པའི་རྡོ་རྗེ་ལ་བསྟོད་པའི་ཚིགས་སུ་བཅད་པ། ཞང་ཞུང་ཆོས་དབང་གྲགས་པ། བཅོམ་ལྡན་གསུང་གི་དབང་ཕྱུག་ལ་ཕྱག་འཚལ་ལོ།   །གྲུབ་པའི་དབང་ཕྱུག་ཁྱོད་མཚན་དབྱར་སྐྱེས་རྔ།   །ཐོས་པས་རབ་དགས་མྱོས་པའི་གཙུག་ཕུད་ཅན།   །དད་པའི་སྤུ་ལོང་ཆེས་ཆེར་གཡོས་པ་ཡིས།   །བསྟོད་ཚིག་ཟློས་གར་འཇོ་སྒེག་རོལ་བ་འཛིན།   །མགོན་ཁྱོད་གངས་རིའི་ཁྲོད་དུ་ཚེ་གཅིག་ལ།  །མངོན་པར་སངས་རྒྱས་དེའི་ཚེ་བོད་ཀྱི་ཡུལ།   །འདི་ན་ས་ལ་གནས་པའི་འོག་མིན་ཞེས།   །ཞིང་གཞན་དག་ལ་གུས་པ་ལྷོད་པར་གྱུར།   །གྲངས་རིང་བགྲོད་དཀའ་གྲགས་ལྡན་སངས་རྒྱས་ལམ།   །ཁྱབ་འཇུག་ཁྱོད་ནི་གོམ་པ་གཅིག་གིས་ནི།   །བགྲོད་ཚེ་ཐུབ་བསྟན་སྟོབས་ལྡན་ས་འོག་ཏུ།   །ཞུགས་པར་དོགས་ནས་རྒྱལ་རྣམས་སྐྲག་པ་འཛིན།   །འཕོང་སྐྱེན་དགའ་བྱེད་མདའ་ཡིས་འབོད་སྒྲོགས་ཀྱི།   །རི་དྭགས་མཆོག་འདི་གཟུང་བར་མ་ནུས་ཏེ།   །ཁྱོད་ཀྱི་སྙིང་སྟོབས་མཚོན་ཆས་ཉོན་མོངས་ཀྱི།   །དགྲ་སྡེ་སྐད་ཅིག་གཅིག་ལ་ཐལ་བར་བརླགས།   །བློ་གྲོས་བཻཌཱུར་དཀར་པོའི་བུམ་བཟང་གིས།  …

རྒྱལ་སྲས་ལག་ལེན་སོ་བདུན་མ་ཞེས་བྱ་བ་བཞུགས་སོ།།   རྒྱལ་སྲས་ཐོགས་མེད་བཟང་བོ།            ན་མོ་ལོ་ཀེ་ཤྭ་ར་ཡེ། །གང་གིས་ཆོས་ཀུན་འགྲོ་འོང་མེད་གཟིགས་ཀྱང་། །འགྲོ་བའི་དོན་ལ་གཅིག་ཏུ་བརྩོན་མཛད་པའི། །བླ་མ་མཆོག་དང་སྤྱན་རས་གཟིགས་མགོན་ལ། །རྟག་ཏུ་སྒོ་གསུམ་གུས་པས་ཕྱག་འཚལ་ལོ། །ཕན་བདེའི་འབྱུང་གནས་རྫོགས་པའི་སངས་རྒྱས་རྣམས། །དམ་ཆོས་སྒྲུབ་ལས་བྱུང་སྟེ་དེ་ཡང་ནི། །དེ་ཡི་ལག་ལེན་ཤེས་ལ་རག་ལས་པས། །རྒྱལ་སྲས་རྣམ་ས་ཀྱི་ལག་ལེན་བཤད་པར་བྱ།  །དལ་འབྱོར་གྲུ་ཆེན་རྙེད་དཀའ་ཐོབ་དུས་འདིར། །བདག་གཞན་འཁོར་བའི་མཚོ་ལས་སྒྲལ་བྱའི་ཕྱིར། །ཉིན་དང་མཚན་དུ་གཡེལ་བ་མེད་པར་ནི། །ཉན་སེམས་སྒོམ་པ་རྒྱལ་སྲས་ལག་ལེན་ཡིན། །གཉེན་གྱི་ཕྱོགས་ལ་འདོད་ཆགས་ཆུ་ལྟར་གཡོ། །དགྲ་ཡི་ཕྱོགས་ལ་ཞེ་སྡང་མེ་ལྟར་འབར། །བླང་དོར་བརྗེད་པའི་གཏི་མུག་མུན་ནག་ཅན།…

བླ་སྤྲུལ་དག་ལ་གནང་བའི་སློབ་གཉེར་བསླབ་བྱ།   གུང་ཐང་དཀོན་མཆོག་བསྟན་པའི་སྒྲོན་མེ། རབ་འབྱམས་རྒྱལ་བ་ཀུན་གྱི་ཡེ་ཤེས་ནི། །དུས་མཐར་ཐུབ་བསྟན་རྒྱལ་མཚན་བསྒྲེང་བའི་ཕྱིར།། གསུམ་ལྡན་ངུར་སྨྲིག་འཆང་བའི་རྣམ་རོལ་པ། །ཡབ་རྗེ་འཇིགས་མེད་དབང་པོའི་ཞབས་ལ་འདུལ།། དམ་པའི་སྐྱེས་བུ་འགའ་ཞིག་མདོ་སྔགས་ཀྱི། །ལམ་བཟང་སྒྲུབ་ཚུལ་བསླབ་བྱ་དགོས་སོ་ཟེར།། གཞན་ལ་ཕན་པའི་བསླབ་བྱ་བྱེད་པ་པོ།   །རང་ཉིད་བསམ་ཞིང་རང་ལ་ཡི་མུག་སྐྱེས།། འདི་ཕྱིའི་སྐྱབས་སུ་བླ་མ་བསྟེན་ན་ཡང་།   །བདེན་ཁ་རང་གིས་བཟུང་བ་ཡིད་རེ་མུག ། དལ་འབྱོར་དོན་ཆེ་རྙེད་དཀའ་ཟེར་བཞིནདུ།   །དོན་མེད་སྟོང་པར་གཟད་པ་ཡིད་རེ་མུག ། ནོར་རྐུན་མཐོང་ནས་ཤིན་ཏུ་ཟོན་བྱེད་ཀྱང་།   །མི་རྐུན་གཤིན་རྗེའི་ཟོན་མེད་ཡིད་རེ་མུག །…

དཔྱད་བརྗོད་དང་འབྲེལ་བའི་སྒོ་ནས་དགག་སྒྲུབ་རྩོམ་ཡིག་འབྲི་ཐབས་སྐོར་བཤད་པ།   ཟིན་བདག་རང་ཉིད་ཀྱི་རྩོམ། འདི་ག་ཝ་ཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་དུ། གཙུག་ལག་རིག་པའི་ཟབ་སྦྱོང་ཐོག་༼དཔྱད་བརྗོད་དང་འབྲེལ་བའི་སྒོ་ནས་དགག་སྒྲུབ་རྩོམ་ཡིག་འབྲི་ཐབས་སྐོར༽གཏམ་གླེང་བྱེད་དགོས་པར་གསུངས་པ་ལྟར་མདོར་བསྡུས་ཤིག་ཞུ་རྒྱུ་ལ། ངས་བསམ་པར་དགག་སྒྲུབ་རྩོམ་ཡིག་སྐོར་གྱི་གཏམ་གླེང་འགོ་མ་ཚུགས་པའི་གོང་དུ་དགག་སྒྲུབ་རྩོམ་ཡིག་བྲི་བ་ལ་དགེ་མཚན་གང་ཞིག་ཡོད་མེད་ལ་བསམ་བློ་གཏོང་རྒྱུ་དེ་གལ་ཆེན་པོ་ཞིག་རེད་སྙམ། ང་ཚོ་ཆོས་ཁས་ལེན་མཁན་ཞིག་གི་ངོས་ནས་བཤད་ན་ཀུན་སློང་ཡང་དག་ཅིག་དང་གཟབ་གཟབ་ཅིག་བྱེད་དགོས་པ་ཆགས་ཡོད་པ་རེད། དཔེར་ན། པཎ་ཆེན་བློ་བཟང་ཆོས་རྒྱན་གྱིས་འདི་ལྟར་གསུངས་པ་རེད། སེམས་ཅན་མོས་པ་སྣ་ཚོགས་པ། །མང་པོའི་ནང་དུ་ཕྱོགས་ཞེན་དང་། །ཆོས་ལ་སྨོད་པ་འབྱུང་ཉེ་ཡི། །རྩེད་མོ་ག་ཞའི་ཆེད་དུ་ཡང་། །བརྙས་སྨོད་ནམ་ཡང་བྱ་བ་མིན། །ཞེས་གསུངས་པ་ལྟར་དགག་སྒྲུབ་རྩོམ་ཡིག་ནི་ཀུན་སློང་ཡང་དག་ཅིག་མིན་ན་ཉེན་ཁ་ཤིན་ཏུ་ཆེ་བ་གསུངས་ཡོད་པ་རེད། །ཡང་ཀུན་སློང་ཡང་དག་དང་དགོས་པ་ཁྱད་པར་ཅན་གྱི་དོན་དུ་དགག་སྒྲུབ་རྩོམ་ཡིག་སྤེལ་བ་ལ་དོན་ཡོད་པ་ནི། །རྗེ་ས་པཎ་གྱིས། དམ་ཆོས་འཁྲུལ་དང་མ་འཁྲུལ་བ། །སྐྱེ་བ་གཏན་གྱི་གྲོས་ཡིན་པས། །འདི་ཡི་ལེགས་ཉེས་དཔྱོད་པ་ལ།…

མི་ཆོས་གནད་ཀྱི་ཕྲེང་བ།   འབྲོམ་སྟོན་པ་རྒྱལ་བའི་འབྱུང་གནས། ཁོ་བོས་བྱང་གི་ཕྱོགས་ནས་གཙོ་བོའི་བུ། །ཁོ་བོས་ས་མཐའ་བསྐོར་པས་མི་མཐོང་མྱོང༌། །རྣ་གཏམ་མང་དུ་ཐོས་པས་བཤད་པ་ཚ། །ཡིན་མིན་མགོ་ལྟག་ཕྱེད་པས་གྲུང་བོར་གྲགས། །གནས་དང་ཕྱོགས་རྣམས་གང་དུ་འགྲོ་ཡང་རུང༌། །གཞི་དང་གནས་མལ་གང་དུ་བྱེད་ཀྱང་རུང༌། །གྲོགས་དང་འགྲོགས་ལུགས་སུ་ལ་འཚོལ་ཡང་རུང༌། །གཞན་དང་བསྟུན་པ་མི་ཆོས་རྩ་བ་ཡིན། །དེ་ཡི་སྟེང་ནས་འདུན་མ་བཤད་ཀྱི་ཉོན། །བྱ་བྱེད་ཡོངས་ཀྱི་མགོ་ལྟག་ཕྱེ་ཡི་ཉོན། །ལྷ་ཞི་གླུ་ཞིའི་གདམས་པ་བཤད་ཀྱི་ཉོན། །ཆོས་ལ་མི་ཆོས་ཟབ་པ་འདི་ལྟར་ལེགས། །སུ་ཡི་དོན་དུ་དཀའ་སྤྱད་བྱེད་ན་ཡང༌། །བྱ་ཤེས་ཀོ་ལོང་སྡུག་ཡུས་ཆུང་བར་མཛོད། །ལས་དང་བྱ་བ་ཇི་ལྟར་བྱེད་ན་ཡང༌། །མཛད་སྤྱོད་ཐབས་ཅད་མི་དང་མཐུན་པར་མཛོད། །རང་ལ་ཡོན་ཏན་ཇི་ཙམ་ཡོད་ན་ཡང༌།…

  ཁ་ཆེ་ཕ་ལུའི་འཇིག་རྟེན་ལས་འབྲས་རྩི་ལུགས་ཀྱི་བསླབ་བྱ་བཞུགས་སོ། །     ཁ་ཆེ་ཕ་ལུ། གནའ་བོའི་མི་ཆོས་ལ་མཁས་པ་ཞིག སྔོན་རྒྱ་གར་འཕགས་པའི་ཡུལ་ན་སངས་རྒྱས་དགུང་ལོ་བཅུ་ལ་ཕེབས་པ་ན། འཛམ་གླིང་སྤྱི་དང་ལྷག་པར་ཡུལ་དགའ་བའི་གཡས་གཡོན་དུ་རྟགས་དང་རྟེན་འབྲེལ་ཕུན་སུམ་ཚོགས་པ་དང་། རྫུ་འཕྲུལ་མཁས་བཙུན་གྲངས་མེད་དུ་མཛད་པ་རྣམས་འབྲི་དགོས་དང་། ཤོད་དགོས་བྱུང་ན་མི་ཚེའི་ཁ་ལ་མི་ཚེ་མང་པོ་དགོས་འདུག་པས། མཚམས་ཀྱིས་ཞུ་བར། དགུང་ལོ་བཅུ་ལ་ཕེབས་པའི་དུས། དང་པོ་དྲང་པོའི་གཏེར་མཛོད།  གཉིས་པ་ཁྲིམས་ཀྱི་འབྱུང་ཁུངས།  གསུམ་པ་ངོ་ཚའི་རྒྱ་མཚོ། བཞི་པ་སྦྱིན་པའི་རྒྱལ་པོ། ལྔ་པ་ཆོས་གནང་བ་སོགས་རྩ་བ་ལུང་དང་མཉམ་པའི་སྡོང་པོ་ལ་ལོ་འདབ་རྒྱས་པ་ལྟ་བུའི་ཆོས་འཇིག་རྟེན། ལས་རྒྱུ་འབྲས། ཁྲེལ་ངོ་ཚ།…

  དཔལ་ལྡན་བླ་མ་དམ་པ་ལ་བསྟོད་པའི་ཚིགས་སུ་བཅད་པ་ཚངས་པའི་དབྱངས།   མཁས་གྲུབ་དགེ་ལེགས་དཔལ་བཟང་། རྗེ་བཙུན་བླ་མ་འཇམ་པའི་དབྱངས་ཀྱི་ཞབས་ལ་ཕྱག་འཚལ་ལོ། ། དཔལ་ལྡན་ཡོན་ཏན་ཚོགས་ཀྱི་བྱེད་པོ་ཡིས། ། མི་འཇིགས་སེང་གེའི་ཁྲི་ལ་དབང་བསྐུར་བ། ། རྒྱལ་བ་གཉིས་པའི་རྒྱལ་ཚབ་ཆོས་ཀྱི་རྗེ། ། མི་ཕམ་བླ་མ་གཉིས་པ་རྒྱལ་གྱུར་ཅིག ། ཁྱོད་ནི་རྣམ་དཔྱོད་ལུས་མཛེས་ཤིང༌། ། དར་དིར་ལེགས་བཤད་མགྲིན་པ་དབྱངས། ། མ་ལུས་མཁས་པའི་ཡིད་འཕྲོག་པ། །…

  རྗེ་བཙུན་བླ་མ་མཁས་གྲུབ་ཆེན་པོ་ལ་རབ་བསྔགས་ཀྱི་སྡེབ་སྦྱོར་གྱི་སྒོ་ནས་ཆེད་དུ་བརྗོད་པ།   ཞང་ཞུང་པ་ཆོས་དབང་གྲགས་པ། བཅོམ་ལྡན་འདས་ངག་གི་དབང་བོ་ལ་ཕྱག་འཚལ་ལོ།། དཔལ་ལྡན་ལྗགས་ཀྱི་ལི་ཁྲིའི་རྡུལ་ལས་ལང་ཚོ་ཐོབ་པའི་མཁས་མང་ལུས་ཅན་མཁའ་ཡི་གོས་བཟང་ཀུན་གསལ་གདོང་ལ་སྨུག་རྩིའི་ཆུ་རིས་བྱེ་བ་བརྒྱ་འགོས་ཀུན་ཕན་ཁུར་གྱིས་རྣམ་པར་ངལ་བའི་སྙིང་རྗེའི་སྒྲ་དབྱངས་གསང་མཐོར་སྒྲོགས་པའི་སྲིད་པའི་རྩེ་མོ་རོལ་མོའི་དཔལ་བགྱིད་ཆོས་སྡོམ་རྣམ་བཞིའི་དབྱངས་ཀྱི་ང་རོ་གད་མོ་ཆེར་སྒྲོགས་ལུས་ཅན་ཀུན་གྱི་འོན་པའི་གོ་སྐབས་སྲིད་པའི་བློ་དང་ལྷན་ཅིག་འཕྲོག་བྱེད་རྒྱལ་བ་མཐའ་དག་དྲུག་ཅུའི་གསུང་སྙན་གཅིག་ཏུ་གྱུར་གང་གླུ་སྙན་འདི་ལ་རོ་གཅིག་ཞུགས་པ་སྲིད་པའི་མཐའ་མར་རྒྱུན་ཆགས་མེད་འདིས་རྣམ་པར་འབྲེལ་བའི་ཚིག་མདའི་བུ་རྣམས་འདོད་དོན་གར་གྱི་རོལ་རྩེད་བརྗོད་བྱེད་ཨེ་མ་འདི་ལ་སུ་ཡིས་འགོངས།།ཞབས་འཐིལ་རྩིབས་སྟོང་འཁོར་ལོའི་བེར་གྱིས་སྐལ་བཟང་འབྱུང་བོའི་ཡུམ་གྱི་ལྟོ་བར་དགེ་མཚན་རི་མོ་གསར་དུ་འཕོ་བྱེད་ཁྱབ་འཇུག་ལག་པའི་ཕུན་ཚོགས་དཔལ་ནི་རྒྱ་མཚོའི་གོས་བཟང་ལྡན་བྱེད་ས་སྟེང་བགྲོད་རྣམས་མཐར་དག་འཁོར་ལོའི་བདག་པོར་བྱེད་མཁས་མ་རུང་རྩོད་པའི་དུས་ལ་སྡང་བ་རྫོགས་ལྡན་བཻཊྰུ་རྱ་དཀར་བོའི་ཆུ་ཁུར་བ་འདི་འདོད་དགུའི་ཆུ་ཡི་ཁོངས་བྱེད་རེ་བ་ཚིམ་འདོད་འདྲེན་བྱེད་ཡིད་འོང་ཁྱོན་དུ་ཕྱོགས་པའི་འདབ་བརྒྱའི་འདབ་མའི་རྩེ་གཅིག་འབྲུ་ཚུགས་ངེས་པར་འཛིན་བྱེད་གོས་བྲལ་སྙིང་རྗེ་པད་མའི་གེ་སར་རྩེ་ལ་དང་བ་རྒྱས་པའི་མིག་ཆུའི་ཟིལ་བ་རྣམ་པར་ཐོར་བའི་ཟེགས་མ་སྟོང་སྤྲོ་ཁྱེད་ལ་མཆོད་ཡོན་སྦྱིན་པའི་དགའ་བས་འགྲོ་འདི་བདེ།།མཆོད་སྦྱིན་བརྒྱ་བའི་མགོ་སྐྱེས་ཕྲེང་བ་ཏེེ་ལ་ཀ་ཡི་སྐྲ་ཚོགས་རབ་རྒྱས་ལན་བུ་དོག་པ་དོ་ཀེར་དང་བྲལ་ཞབས་ཟུང་འདབ་གཤོག་སོར་གྱི་སྒྲོ་ལྡན་རྣམ་པར་རོལ་བའི་རྐང་སྟེགས་མཆོག་གང་བདེ་སོགས་བདག་པོའི་ཕྱག་གི་ཆུ་སྐྱེས་ཁྱོད་ཡོན་སྙིང་སྟོབས་དྲི་ལེན་གྱིས་འདར་རིན་ཆེན་རྒྱན་གྱི་དཔྱིད་ཀྱིས་ངལ་བའི་ཟོལ་གྱིས་འདེགས་ཤིང་གཡོ་བའི་རྫུ་ལ་རྣམ་པར་བརྟེན་བྱས་ཞབས་སེན་ཟླ་བ་གསར་བའི་འོད་ཀྱི་ལག་སོར་འདབ་མ་ཀུན་དུ་ཟུམ་པས་ནུས་ལྡན་སྤྱི་བོར་ཐོར་ཅོག་བགྱིད་འདྲ་མགོ་འཛིན་དམའ་བའི་མཆུ་སྒྲོས་འདབ་མ་ཟུར་མིག་དང་འགྲོགས་སྙན་གོང་ཨུཏྤལ་གདེངས་ཀའི་རྒྱན་ལ་མཆོད་པའི་དོན་སླད་བསྐུལ་བ་ལྷུར་ལེན་གཙང་མ་རིགས་ཀྱི་ལྷ་ལ་ཡང་།།དགེ་ལེགས་མཁྱེན་རབ་ཆུ་ཡི་གཏེར་ཆེན་བདུན་དང་མུ་སྟེགས་ཕས་ཀྱི་རྒོལ་བའི་ཀ་ལན་དྷ་ཀ་འདབ་གཤོག་ཟུང་འདར་ལྟ་བ་ཉམས་བྱེད་དྲི་མེད་རིས་ཚུལ་རྦ་རླབས་ཕྲེང་བ་ནམ་མཁར་འཕྱོ་ཞིང་དཔལ་ལྡན་སྐལ་བཟང་ཙ་ཏ་ཀ་ཡི་བུ་མོའི་ཚོགས་ལ་སིམ་པ་ཉེར་སྟེར་རྣམ་དག་ལྷག་བསམ་དབུ་བའི་དྲ་བས་རྒྱ་ཆེར་གཡོག་པས་ཕྱོགས་ཀྱི་གདོང་བ་ཀོོ་རུའི་མདོག་གིས་ལྷམ་མེར་མཛེས་བགྱིད་ཆ་ཤས་བདག་པོའི་བཞིན་བཟང་ལ་ནི་སུ་ཡང་ནམ་དུའང་གུས་པ་དམན་གྱུར་མདོ་དང་རྒྱུད་སྡེའི་ཟབ་དོན་སྟོང་གི་ཀོོ་རུ་དང་མར་གད་འབར་བས་ཁྱོད་ཞབས་གྲུ་གཟུངས་(གཟིངས)བསྟེན་པ་རྣམས་ལ་ནམ་ཡང་རྒུད་པའི་གོ་སྐབས་འཕྲོག་མཛད་དེ་ལ་ཕྱག་འཚལ་གྲོལ་བར་བྱེད།། སྐྱེས་དང་སྐྱེ་བར་བླ་མའི་ཞབས་པད་ལ།།གུས་ཤིང་ལང་ཚོ་མང་དུ་ཐོས་པས་བརྒྱན།།སྤོབས་པའི་གཞུ་ལས་མངོན་སྦྱོར་ཉག་ཕྲན་ཚོགས།། འཕེན་མཁས་སྙན་དངགས་དབང་བོར་བདག་གྱུར་ཅིག། ཅེས་བྱ་བ་ནི་ཡུལ་བྱང་ཕྱོགས་ཀྱི་རྒྱུད་དུ་བྱུང་བ། ཐ་སྙད་ཀྱི་གཙུག་ལག་མ་ལུས་པ་ལ་བློ་གྲོས་ཀྱི་སྣང་བ་ཉེ་བར་ཐོབ་པ་ཞང་ཞུང་ཆོས་དབང་གྲགས་པའི་དཔལ་གྱིས་འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་དུ་ཉེ་བར་སྦྱར་བའོ།།

  བྱང་ཆུབ་སེམས་དཔའི་བསླབ་བྱ་མདོར་བསྡུས། ཤར་རྫ་པ་བཀྲ་ཤིས་རྒྱལ་མཚན། ཐར་མེད་བཙོན་རར་ཆུད་པའི་མ་རྒན་རྣམས།།བྱམས་བརྩེའི་སྐྱོ་ངལ་ནམ་ཡང་མི་སྐྱོ་བའི།། རྒྱལ་དང་རྒྱལ་བའི་ངོ་བོ་ཇི་སྙེད་ཀྱི།།ཐུགས་རྗེའི་མངའ་བདག་དྲིན་ཆེན་བླ་མར་འདུད།། ཐམས་ཅད་མཁྱེན་པའི་གོ་འཕང་བསྒྲུབ་པ་ལ།།ལམ་གནད་མ་ལུས་བསྡུས་ན་ངེས་འབྱུང་དང༌།། བྱང་ཆུབ་སེམས་གཉིས་དག་ལ་འདུས་པའི་ཕྱིར།།དེ་ཡང་ཐེག་པ་མཆོག་དམན་གཉིས་ལས་སུ།། ཐེག་དམན་ལམ་ཞུགས་ངེས་འབྱུང་ཤེས་རབ་གཉིས།།རྒྱུད་ལ་སྐྱེས་ན་བསྒྲུབ་བྱའི་དོན་འགྲུབ་ཙམ།། དེ་ལས་བླ་མེད་བྱང་ཆུབ་ཐོབ་འདོད་པས།།གཞན་དོན་བྱང་ཆུབ་མཆོག་ཏུ་སེམས་བསྐྱེད་པ།། མེད་ན་བསྒྲུབ་བྱའི་འབྲས་བུ་ག་ལ་པ།།དེ་ཕྱིར་བྱང་ཆུབ་སེམས་མཆོག་རིན་པོ་ཆེ།། རྒྱུད་ལ་མ་སྐྱེས་པ་དག་སྐྱེས་པ་དང༌།།སྐྱེས་པ་མི་ཉམས་དེ་ཉིད་གོང་འཕེལ་ཐབས།། རྒྱུ་འབྲས་མན་ངག་བདུན་ལ་བློ་སྦྱང་བཞིན།།བྱང་ཆུབ་སེམས་དཔའི་ཚུལ་ཁྲིམས་རྣམ་གསུམ་ལ།། ཐུགས་དམ་གཅེས་སྤྲས་མཛད་པ་བྱང་སེམས་སྡོམ།།འདི་ལྟར་འཁོར་བའི་གནས་འདིར་འཁོར་བ་པ།། གང་ཡང་ཕ་མར་མ་གྱུར་གཅིག་མེད་དེ།།ཐོག་མེད་དུས་ནས་འཁོར་བར་འཁྱམས་པ་དང༌།། མཐོ་དམན་གནས་སུ་སྣ་ཚོགས་ལུས་བླངས་ཕྱིར།།ཕ་མར་བྱས་ཚེ་ད་ལྟའི་ཕ་མ་བཞིན།། བྱམས་བརྩེས་སྐྱོང་དང་ཕན་བཏགས་བསམ་མི་ཁྱབ།།དེ་ཕྱིར་དྲིན་ཆེ་དྲིན་དུ་གཟོ་བ་སྟེ།། ཚེ་འདིར་ཕན་བཏགས་ཕྲ་མོ་བྱས་ནའང༌།།དྲིན་ཆེ་ཡིན་ཞེས་ཕན་ལན་བྱ་དགོས་ན།། ཐོག་མའི་དུས་ནས་སྐྱོང་བའི་མ་རྒན་འགྲོར།།ཅི་ཕྱིར་དྲིན་ལན་ལན་གྱིས་གཟོ་མི་དགོས།། དེ་ཕྱིར་དེ་དག་བདེ་བ་ལྡན་འདོད་དང༌།།སྡུག་བསྔལ་བྲལ་འདོད་བྱམས་དང་སྙིང་རྗེ་དང༌།། ངེས་པར་སྡུག་བསྔལ་བསལ་བྱ་བདེ་བ་དག།འཐོབ་པར་བྱའོ་སྙམ་པའི་ལྷག་བསམ་སོགས།།…