རྒྱལ་པོ་ལུགས་ཀྱི་བསྟན་བཅོས་ས་གཞི་སྐྱོང་བའི་རྒྱན་ཞེས་བྱ་བ་བཞུགས་སོ།། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ། ༄༅། །རྒྱ་གར་སྐད་དུ། རཱ་ཛ་ནཱ་ཏིི་ཤཱསྟྲ་བྷུ་མི་པཱལ་སྱཱ་ཨ་ལངྐཱར་ནཱ་མ། བོད་སྐད་དུ། རྒྱལ་པོ་ལུགས་ཀྱི་བསྟན་བཅོས་ས་གཞི་སྐྱོང་བའི་རྒྱན་ཞེས་བྱ་བ། བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ། ། རྒྱལ་མཆོག་སྟོན་པ་ཚད་མའི་སྐྱེས་བུ་དང༌། །རྣམ་གྲོལ་འཇུག་ངོགས་བསྟན་པ་རིན་པོ་ཆེ། །དེ་འཛིན་འཕགས་ཚོགས་འཇིག་རྟེན་རྒྱན་གྱུར་པ། །དཀོན་མཆོག་གསུམ་ལ་གུས་པས་ཕྱག་འཚལ་ལོ། །མཁའ་དང་མཉམ་པ་ཡེ་ཤེས་འོད་ཟེར་ཅན། །འགྲོ་བའི་ཡིད་ཀྱི་མུན་པ་རྣམས་སེལ་བ། །འཇམ་དཔལ་སྨྲ་བའི་ཉི་མ་གང་དེ་ཡིས། །སྐྱེས་རྒུའི་བློ་གྲོས་པད་ཚལ་སྐྱོང་བར་མཛོད། །རྒྱལ་དང་རྒྱལ་སྲས་འཕགས་པ་ཆེན་པོ་རྣམས། །བསམ་བཞིན་སྐྱེ་རྒུའི་མགོན་དུ་ལེགས་བཞུགས་པ།…

  མན་ངག་གི་རྒྱལ་པོ་ལྟ་བའི་ཕྲེང་བ་ཞེས་བྱ་བ་བཞུགས་སོ།། སློབ་དཔོན་པདྨ་འབྱུང་གནས། ལྟ་བ་དང་ཐེག་པ་ལ་སོགས་པའི་ཁྱད་པར་བསྡུས་པའི་བསྐྱུས་བྱང༌། བཅོམ་ལྡན་འདས་འཇམ་དཔལ་གཞོན་ནུ་དང༌། རྡོ་རྗེ་ཆོས་ལ་ཕྱག་འཚལ་ལོ།། འཇིག་རྟེན་གྱི་ཁམས་ན་སེམས་ཅན་ཕྱིན་ཅི་ལོག་གི་ལྟ་བ་གྲངས་མེད་པ་མདོ་རྣམ་པ་བཞིར་འདུས་ཏེ། ཕྱལ་བ་དང༌། རྒྱང་འཕེན་དང༌། མུར་ཐུག་པ་དང༌། མུ་སྟེགས་པའོ། །དེ་ལ་ཕྱལ་བ་ནི་ཆོས་ཐམས་ཅད་རྒྱུ་དང་འབྲས་བུ་ཡོད་མེད་དུ་མ་གཏོགས་ཏེ། ཀུན་ཏུ་རྨོངས་པའོ། །རྒྱང་འཕེན་ནི་ཚེ་སྔ་ཕྱི་ཡོད་མེད་དུ་མ་གཏོགས་ཤིང༌། ཚེ་གཅིག་ལ་བཙན་ཕྱུག་དང་མཐུ་སྟོབས་སྒྲུབ་པ་སྟེ། འཇིག་རྟེན་གྱི་གསང་ཚིག་ལ་བརྟེན་པའོ། །མུར་ཐུ ག་པ་ནི། ཆོས་ཐམས་ཅད་ནི་རྒྱུ་དང་འབྲས་བུ་མེད་པ་སྟེ། ཚེ་གཅིག་ལ་སྐྱེས་པའི་ཆོས་ཐམས་ཅད་གློ་…

  ལྕང་སྐྱ་རོལ་པའི་རྡོ་རྗེའི་ལེགས་བཤད་ཅིག ཐུབ་བསྟན་ལྷུན་པོའི་མཛེས་རྒྱན་ལས་དྲངས། ན་མོ་གུ་རུ་མུ་ནཱིནྡྲཱ་ཡ། གང་ཡང་རྨད་བྱུང་ཡིད་འོང་སྙིང་སྟོབས་ཟད་མི་ཤེས་པའི་སྤྱོད་པའི་རྦ་རླབས་ཆལ་ཆིལ་གཡོ་བས་རྣམ་དཀྲིགས་པ། ། ཚོགས་གཉིས་རྒྱ་མཚོ་ཆེ་ལས་ལེགས་འོངས་ཀུན་རྟོག་སྒྲིབ་པའི་སྤྲིན་བྲལ་ཟབ་ཅིང་རྒྱ་ཆེའི་ལེགས་བཤད་གཟི་འོད་འབར། ། སྨྲ་བ་ངན་པའི་མུན་པ་མཐའ་དག་མ་ལུས་འཇིག་རྟེན་རྒུད་པ་ཀུན་དང་ལྷན་ཅིག་དྲུང་ནས་འབྱིན་མཛད་པ། །ཐུབ་དབང་སྨྲ་བའི་ཉི་མ་ཚད་མའི་སྟོན་པ་གང་དེའི་ཞབས་རྡུལ་བདག་གི་གཙུག་ཏུ་ཀུན་ཏུ་མཛེས་གྱུར་ཅིག ། རྒྱལ་བའི་མྱུ་གུ་བྱེ་བའི་དབུས་ན་རྒྱལ་བའི་དམ་ཆོས་འཛིན་པ་ལ། ། རྒྱལ་བའི་དབང་པོ་ཀུན་གྱིས་མགྲིན་གཅིག་རྒྱལ་བ་ཉིད་བཞིན་རབ་བསྔགས་པ། ། རྒྱལ་བའི་རྒྱལ་ཚབ་མི་ཕམ་མགོན་དང་རྒྱལ་བའི་ཡབ་གཅིག་འཇམ་དཔལ་དབྱངས། ། རྒྱལ་བའི་ས་ཆེན་མ་མནན་དེ་སྲིད་རྒྱལ་བ་ཇི་བཞིན་བཤེས་སུ་བསྟེན། ། རྟོགས་པར་རབ་དཀའ་ཐུབ་པའི་གསུང་གི་གནད།…

  ཤར་སྐལ་ལྡན་རྒྱ་མཚོའི་མགུར་མ་ཞིག རྔོན་པ་ཁྱི་ཁྲིད་ནི་སླེབས་བྱུང་། ། ཤ་བོ་སྨུག་པོ་ནི་འབྲོས་ས། ། རྫ་རི་མཐོན་པོ་ནི་བཟང་ངོ་།། ང་རྒྱལ་སེང་གེ་ནི་སླེབས་བྱུང་། ། ཡོན་ཏན་རི་བོང་ནི་འབྲོས་ས། ། ཁེངས་སྐྱུང་བྲག་ཕུག་ནི་བཟང་ངོ་། ། བྱ་ཁྲ་སྡིག་ཅན་ནི་སླེབས་བྱུང་། ། འདབ་ཆགས་བྱིའུ་ནི་འབྲོས་ས། ། ཤིང་ནགས་འཐུག་པོ་ནི་བཟང་ངོ་། ། དཀོར་ཟས་མེ་ལྕེ་ནི་སླེབས་བྱུང་།…

  བོད་ཀྱི་ཡུལ་སྐོར་རྒྱས་བཤད། ཡོངས་འཛིན་རིན་པོ་ཆེའི་འབེལ་གཏམ་ལུང་གི་སྙིང་པོ་ལས་དྲངས། བོད་ཀྱི་སྐབས། གནའ་བོའི་གཏམ་རྒྱུད་ལས་འཕྲོས་པ་ཕལ་ཆེར་སྒྲུང་གཏམ་ལྟ་བུར་ངོས་བཟུང་ནས་བརྗོད་དོན་དངོས་ཡུལ་དུ་འོས་པ་མེད་ཅེས་མཐའ་གཅིག་ཏུ་བསམ་མི་རུང་སྟེ། གནས་ཡུལ་གང་ཡིན་གྱི་ལོ་རྒྱུས་རྙིང་པ་ཕལ་ཆེར་དང་པོ་སྒྲུང་གཏམ་དང་འབྲེལ་ནས་བཤད་རྒྱུ་ཡོད་པ་ཤ་སྟག་ཡིན་ཏེ། དང་པོ་ཐོག་མ་ནས་ཡིག་ཐོག་ཏུ་འཁོད་པའི་རྒྱལ་རབས་རྙིང་པ་ཆེས་དཀོན་པ་ཡིན་པས་དེ་ལྟར་བྱུང་བ་ཡིན་ལ། སྒྲུང་གཏམ་ཡིན་ན་ཡང་ཕལ་ཆེར་ལ་དང་པོ་བསམ་གཞི་ཞིག་ཡོད་པས་དེའི་ཚུལ་ལ་ཡང་བསམ་མནོ་གཏོང་ས་ཆེན་པོ་ཞིག་ཡོད་པ་ཡིན། བོད་ཀྱི་ཡུལ་འདི་དང་པོ་ཆུས་གང་བའི་ལོ་རྒྱུས་དེ་ཡང་དང་པོ་ལོ་སྟོང་ཕྲག་མང་པོའི་གོང་ནས་སྟོད་འབྲོག་ཞང་ཞུང་གི་ཡུལ་སྡེ་རྣམས་ཆུས་གང་ཡོད་པར་མངོན་ཏེ། དེང་སང་མཚོ་མང་པོ་ཡོད་པ་དེ་རྣམས་ཀྱི་མཚམས་སུ་ཆུ་བྲི་བའི་རིམ་པ་གསལ་བར་འདུག་ཅིང་། དྲུ་ཟེར་བའི་ས་ཞགས་ཀྱི་རིམ་པའི་གསེབ་ཏུ་དུད་འགྲོའི་རུས་པ་རྙིང་པ་རྡོ་དང་། བྱེ་མའི་བཟོ་ལྟ་བུ་ཐོན་གྱི་རེད། དེ་རྣམས་ཆུ་གནས་ཀྱི་རུས་པ་ཡིན། དེ་ཡང་ལོ་སྟོང་ཕྲག་ཉུང་ངུའི་ནང་དུ་དེ་ལྟར་བྲི་འགྲོ་བའི་ཐབས་མེད་པ་ལྟ་བུ་རེད།  བོད་ཀྱི་སྨད་ཕྱོགས་སུ་ཆུ་བྲི་བའི་ཤུལ་ཡིན་པའི་རྟགས་གསལ་པོ་བཤད་རྒྱུ་མེད་པས་བོད་ཀྱི་སྟོད་སྨད་ཐམས་ཅད་ཀྱི་གནས་སྟངས་ས་དབྱིབས་འདྲ་བ་མིན་ནོ། །སྟོད་དུ་མཚོ་ཡི་འགྲམ་ཏུ་ཉིན་ལམ་མང་པོ་སོང་ཡང་འཐུང་ཆུ་དཀོན་ཞིང་། མཚོ་ཆུ་ཐམས་ཅད་ཚྭ་ཆུའམ། བུལ་ཆུ་ཤ་སྟག་རེད། འཐུང་ཆུ་ཆུ་མིག་ངེས་པར་བཙལ་དགོས་འདུག དཔེར་ན་སྟོད་ཕྱོགས་ཀྱི་ས་ཁྱོན་ཕལ་ཆེ་བ་བྱེ་མ་ཤས་ཆེ་ཞིང་།…

གོང་མ་ཧོར་རྒྱལ་བུ་མིའི་དབང་པོ་ལ་གནང་བའི་ཆབ་ཤོག ཨོཾ་སྭ་སྟི། སྐུ་ནི་གཞན་ཕན་བསམ་པས་མཛེས་ཀྱི་རབ་བཀྲའི་གོས་ཀྱིས་མིན། ། སྙན་ནི་ལེགས་བཤད་ཐོས་པས་མཛེས་ཀྱི་གསེར་གྱི་རྣ་ཆས་མིན། ། ཕྱག་ནི་གཏོང་ལ་འཇུག་པས་མཛེས་ཀྱི་སྐྲ་ལྡན་གདུ་བུས་མིན། ། བསོད་ནམས་བརྒྱ་ཡིས་ལྷག་པར་མཐོ་བའི་མི་དབང་གང་དེ་རྒྱལ། ། སྐྱོན་མེད་རིགས་ཀྱི་ཆུ་གཏེར་འཇིངས་ལས་འཁྲུངས། ། དགེ་ལེགས་གསེར་གྱི་རྭ་བས་ཀུན་ནས་བསྐོར། ། ཚད་མེད་ཡོན་ཏན་བརྒྱ་ཡི་དཔལ་འབར་བ། ། མི་དབང་ལྷུན་པོ་གླིང་བཞིའི་དབུས་ན་བརྗིད། །   ས་བདག་གཞན་ཕན་དགོངས་པ་གངས་རིའི་གོས།…

  འཕགས་པའི་གནས་བརྟན་ཆེན་པོ་རབ་འབྱོར་གྱི་རྟོགས་པ་བརྗོད་པ་ཚངས་པའི་སྒྲ་དབྱངས་ཞེས་བྱ་བ་བཞུགས་སོ། ། པཎ་ཆེན་བློ་བཟང་ཆོས་རྒྱན། ན་མོ་གུ་རུ་མཉྫུ་གྷོ་ཥཱ་ཡ། ཐུགས་རྗེའི་རྒྱ་མཚོ་རླབས་ཕྲེང་གཡོ་བའི་མུ་ཏིག་གསར་པའི་གྲུ་ཆར་གྱིས། ། མཐའ་མེད་འཁོར་བར་དུག་གསུམ་འབྲས་བུའི་ཚ་བས་མནར་བའི་འབྱུང་པོའི་ཚོགས། ། འདོད་དགུ་སྦྱིན་པའི་དཔག་བསམ་རྐང་འཐུང་གྲིབ་བསིལ་ཇི་བཞིན་གདུང་སེལ་བ། ། སྲིད་ཞིའི་ཀླུ་དབང་མཐའ་དག་དཔལ་གནས་ཤཱཀྱ་སེང་གེ་རྒྱལ་གྱུར་ཅིག ། དཔལ་རྐང་མགུར་གྱི་རྒྱུད་མང་ལས། ། འདི་སྐད་ཐོས་སོ་གང་གི་ཆེ། ། སྔོན་གྱི་རྣམ་འདྲེན་མཆོག་རྣམས་ལ། ། བྱ་བ་བྱས་པའི་གདེངས་ཀ་ཅན།…

  རྨི་ལམ། རང་རྩོམ་གངས་རིའི་བརྩེ་དུང་ནས་དྲངས། བར་མཚམས་མེད་པར་མུན་ནག་གིས་གཡོགས་པའི་ལྷིང་འཇག་གི་ནམ་གུང་དུ། ཤིན་ཏུ་སྤྱང་གྲུང་དོད་པའི་སྒོ་ལྔའི་དབང་ཤེས་རྣམས་ལྐོག་ཏུ་གྱུར་ཏེ་རྣམ་རྟོག་གི་གོམས་པ་ཟ་ཟི་བའི་བདག་རྐྱེན་གྱིས་བསླངས་པའི་ཆེས་སྒྲོ་འདོགས་ལས་ཀྱང་སྒྲོ་འདོགས་པའི་ཡིད་ཤེས་ཤིག རྒྱུ་ཚོགས་འགའ་ཞིག་གྲངས་ཚང་སྟེ་མངོན་དུ་གྱུར་པའི་ཚེ་ན། མཐའ་ཡས་པའི་ཡུལ་ལྗོངས་དང༌། ཉམས་དགའི་གྲོང་ཁྱེར། གཞན་ཡང༌། གསེར་འོད་འཕྲོ་བའི་ཕོ་བྲང་དང༌། རིན་ཆེན་གྱི་དངོས་རྫས་གནོད་སྦྱིན་གྱི་བང་མཛོད་ལ་འགྲན་པ། དེར་མ་ཟད། ལྷ་དང་ཀླུའི་ཡིད་འོང་མ་སོགས་འཇིག་རྟེན་གྱི་དཔལ་ཐམས་ཅད་དུས་གཅིག་ཏུ་རང་ལ་ཐོབ་པའམ་འཐོབ་ཏུ་རུང་བའི་སྐབས་ཡོད་པ་སོགས་ཀྱི་འཆར་སྣང་ནི་གྲངས་ཀ་ཉུང་ཉུང་ཞིག་མིན། མིག་གི་བདུད་རྩི་དང༌། རྣ་བའི་བཅུད་ལེན། ཡིད་ཀྱི་འཐད་ཡུལ་འདི་དག་གིས་ཤིན་ཏུ་ཉམས་དགའ་ལ། རབ་ཏུ་ཡིད་སྤྲོ་ཞིང༌། ལུས་སེམས་བདེ་དགའ་ཀུན་ནས་རྒྱས་པའི་རྒྱུར་འགྱུར་བ་སྨོས་ཅི། སྐབས་དེ་དག་ཏུ་ཁྱོད་ཀྱིས་དེ་རྣམས་ལ་རང་དབང་དུ་ལོངས་སུ་སྤྱོད་མི་སྲིད་པ་མ་ཡིན་ལ། སྤྱོད་པའི་ཚེ་ཁྱོད་ཀྱི་ཚོར་བདེའང་རྨི་ལམ་མ་ཡིན་པའི་གནས་སྐབས་དང་ཕལ་ཆེར་འདྲ།…

  པཎ་ཆེན་ཉ་དབོན་ཀུན་དགའ་དཔལ་གྱི་གསུང་ཚིགས་སུ་བཅད་པ། དྲིས་ལན་ཡིད་ཀྱི་མུན་སེལ་ནས་དྲངས། ངེས་དོན་རྒྱ་མཚོ་འགོགས་པའི་ཟོལ་གྱིས་ནི།། བུ་སྟོན་ཁ་ཆེའི་བཞེད་གཞུང་འགོག་བྱེད་ཅིང༌།། ཞར་ལ་བསྟན་པའི་འདམ་བུ་འཇོམས་བྱེད་པའི།། ཉེས་བཤད་སོ་ལྡན་གཉིས་འཐུང་འདི་དག་མཚར།། ཕྱོགས་སྔ་ཤེས་པའི་ནམ་ལངས་མ་གྱུར་བར།། དགག་པ་ལྟར་སྣང་ཉི་མ་ཤར་བྱས་ཏེ།། ཐོས་ཆུང་རྨོངས་པ་མཚན་རྒྱུའི་ཚོགས་རྣམས་ཀྱིས།། ཡང་དག་ལྟ་བའི་དབང་བོ་ཉམས་བྱེད་མཚར།། ཕྱོགས་ཀུན་ཤེས་པའི་མཁས་པ་འདབ་བཟང་རྣམས།། རྩོམ་འཆད་རྩོད་པའི་མཁའ་ལ་བགྲོད་མཐོང་ནས།། ཕྱོགས་རྟོགས་ཤ་སྦྲང་དག་ཀྱང་ཕྲག་དོག་དང༌།། སྤྱི་བརྟོལ་འདབ་གཉིས་བསྐྱོད་དེ་འཕུར་བ་མཚར།། མ་རྟོགས་ལོག་རྟོག་ཐེ་ཚོམ་གདོན་ཆེན་གྱི།། གཞན་དབང་གྱུར་བའི་རྒོལ་ངན་ཝ་སྐྱེས་ཚོགས།། ལོག་པའི་ལྟ་ངན་སྒྲོགས་ལ་མཐའ་མེད་ཕྱིར། ། ཟློག་བྱེད་གསང་སྔགས་མཐའ་མེད་སྤྲིར་༼བགྲང་༽མི་ལངས།།…

དགེ་ཆོས་རྗེས་དྲན།        རང་རྩོམ་གངས་རིའི་བརྩེ་དུང་ནས་དྲངས།                         གངས་ལྗོངས་ཀེ་ལ་ཤ་རིའི་སྤོ་མཐོ་རུ། །             གངས་རིའི་དཔའ་བོ་གངས་ལྷ་མེ་ཏོག་ཅིག །           གངས་ཅན་ལ་རྒྱའི་འདབ་བཟང་བཞད་པའི་ཚུལ། །           གངས་ཅན་མགོན་པོས་བསྔགས་བརྗོད་ཆར་དུ་བསྙིལ། །            …